தமிழ் சினிமாவில் பல முன்னணி ஹீரோக்கள் தனக்கென ஒரு ரசிகர் வட்டத்தை உருவாக்கி சினிமாவில் சிம்மசொப்பனமாக விளங்குபவர்கள். ஆனால் ஒரு சில நடிகர்களை மட்டும் சினிமாவையும் தாண்டி ரசிகர்கள் கூட்டம் பின்தொடர்ந்து வருகிறது அதில் முதன்மையானவராக இருப்பவர் தல.
சினிமாவையும் தாண்டி கார், பைக் ரேஸ், துப்பாக்கி சூடு, ட்ரோன் இயக்குனர் மற்றும் மக்களுக்காக நலத்திட்ட உதவிகளையும் அவ்வப்போது செய்து வருவதால் இவரைப் பற்றிய செய்திகள் சமூகவலைதளத்தில் தினந்தோறும் வெளிவந்து கொண்டே இருக்கின்றன.
ஒருபக்கம் ரசிகர்கள் வலிமை படத்தின் அப்டேட் கேட்டுக் கொண்டிருக்க மறுபக்கம் இவரது வெளி உலக வாழ்க்கை பற்றிய தகவல்கள் வெளிவந்து கொண்டிருக்கின்றன. இந்த நிலையில் அஜீத் சென்னையில் உள்ள போயஸ் கார்டன் ஏரியாவில் உள்ள இடத்தில் ஒரு பிளாட்டை வாங்க முடிவு செய்திருந்தார். அந்த பிளாட்டின் உரிமையாளரிடம் பேசி முடித்து வைத்திருந்தாராம்.
ஆனால் அந்தக் கனவு தற்பொழுது மண்ணோடு மண்ணாக மாறி உள்ளது அதற்கு காரணம் சினிமா உலகின் சக நடிகரான தனுஷ் அந்த பிளாட்டை தற்போது கைப்பற்றி உள்ளதாக தகவல் வெளியாகியுள்ளது.
அதுவும் அதிக விலை கொடுத்து தட்டி தூக்கி உள்ளார் தனுஷ் இதனால் அஜித்திற்க்கும் தனுஷுக்கும் இடையே சற்று மனஸ்தாபம் ஏற்பட்டு உள்ளதாக தகவல்கள் கசிகின்றன.
