முன்னணி நடிகர்கலாலும், தயாரிப்பாளர்களாலும் வலை வீசி தேடக்கூடிய ஒரு இயக்குனர் என்றால் அது லோகேஷ் கனகராஜ் தான். வெறும் நாலு படங்களை இயக்கி தரமான சம்பவங்களை படைத்து ரசிகர்களை தனது பக்கம் ஈர்த்துள்ளார் என்று தான் சொல்ல வேண்டும். அந்த அளவிற்கு நான்கு படங்களையும் தரமாக கொடுத்துள்ளார்.
மாநகரம், கைதி, மாஸ்டர், விக்ரம், என நான்கு வெற்றி படங்களை கொடுத்த லோகேஷ் கனகராஜ் அடுத்ததாக நடிகர் விஜய் வைத்து தளபதி 67 திரைப்படத்தை இயக்க இருக்கிறார். ஏற்கனவே விஜய்யை வைத்து மாஸ்டர் திரைப்படத்தை இயக்கியுள்ளார் என்பது குறிப்பிடதக்கது. இதனை தொடர்ந்து அடுத்ததாக தளபதி 67 திரைப்படத்தை இயக்க இருக்கிறார். இந்த திரைப்படத்தில் விஜய் உடன் இணைந்து திரிஷா, சஞ்சய் தத், கௌதம் மேனன், மிஷ்கின், அர்ஜுன், என மிகப் பெரிய நட்சத்திர பட்டாளமே நடிக்க உள்ளதாக கூறப்படுகிறது.
இதனைத் தொடர்ந்து நடிகர் விஜய் தற்போது வாரிசு திரைப்படத்தில் நடித்துள்ளதால் இந்த படம் வெளியான உடனே தளபதி 67 திரைப்படத்திற்கான அப்டேட் வெளியாகும் என இயக்குனர் லோகேஷ் கனகராஜ் ஒரு பேட்டியில் கூறி இருக்கிறார். இதனால் ரசிகர்கள் வாரிசை விட தளபதி 67 திரைப்படத்திற்காக தான் எதிர்பார்த்து காத்து இருக்கிறார்கள்.
இந்த நிலையில் ரசிகர்களை மேலும் எதிர்பார்ப்பில் ஆழ்த்த கூடிய அளவிற்கு ஒரு தகவல் தற்போது வெளியாகி உள்ளது. அதாவது இயக்குனர் லோகேஷ் கனகராஜ் ஜெயம் ரவியிடம் ஒரு கதையை கூறி இருக்கிறாராம் அந்த கதை மிகவும் பிரம்மாண்டமாக உள்ளதாக ஜெயம் ரவி கூறியுள்ளார்.
அது ஒரு வேலை தளபதி 67 திரைப்படமாக இருக்கலாம் என்று கூறப்படுகிறது. கைதி, விக்ரமைத் தொடர்ந்து தளபதி 67 திரைப்படம் LCU-வில் இணையுள்ளதால் நடிகர் ஜெயம் ரவியும் LCU-வில் இணைவார் என்று எதிர்பார்க்கப்படுகிறது. ஆனால் இது உறுதி செய்யப்பட ஒரு தகவல் இல்லை விரைவில் இதற்கான அதிகாரப்பூர்வ அறிவிப்பை படக்குழு வெளியிடும் என எதிர்பார்க்கப்படுகிறது.
மேலும் LCU-வில் ரோலக்ஸ் கதாபாத்திரம் இணைந்தது போல ஜெயம் ரவியும் இணைந்தால் தளபதி 67 திரைப்படம் மிகப்பெரிய அளவில் இருக்கும் என தற்போதே ரசிகர்கள் ஒரு கருத்துக்கணிப்பை முன் வைத்து வருகிறார்கள். வாரிசு படம் வெளியானால்தான் தெரியும் தளபதி 67 திரைப்படத்தின் அப்டேட் எப்போது என்று அதுவரைக்கும் காத்திருப்போம்.