விஜய் டிவியில் பிரைம் டைமில் ஒளிபரப்பாகி வரும் அனைத்து சீரியல்களுக்கும் ரசிகர்கள் மத்தியில் நல்ல வரவேற்பு கிடைத்து வருகிறது. அந்த வகையில் தற்பொழுது மிகவும் விறுவிறுப்பாக பல சுவாரசியமான எபிசோடுகளுடன் ஒளிபரப்பாகி வரும் சீரியல் தான் பாண்டியன் ஸ்டோர்ஸ். இந்த சீரியலில் ஐஸ்வர்யா கதாபாத்திரத்தில் நடித்து வந்த சாய் காயத்ரி விலக இருப்பதாக கூறியுள்ளார்.
அதாவது இந்த சீரியல் நான்கு அண்ணன் தம்பிகளின் பாச உறவினையும், வரும் மருமகள்கள் ஒற்றுமையாக இருக்கும் நிலையில் மொத்தத்தில் கூட்டு குடும்பமாக எப்படி மகிழ்ச்சியாக வாழ்ந்து வருகிறார்கள் என்பதை மையமாக வைத்து ஒளிபரப்பாகி வரும் நிலையில் இந்த சீரியலில் நான்கு அண்ணன் தம்பிகளில் கடைக்குட்டி கண்ணன் நடித்து வருகிறார் இவருடைய மனைவி தான் ஐஸ்வர்யா.
ஐஸ்வர்யா கதாபாத்திரத்தில் நடித்து வரும் பல நடிகைகள் மாற்றப்பட்ட நிலையில் கடைசியாக தீபிகா நடித்து வந்தார். தீபிகா கண்ணன் இவர்களுடைய கெமிஸ்ட்ரி மிகவும் அருமையாக இருந்தது ஆனால் தீபிகாவிற்கு முகம் முழுவதும் பருக்கள் இருந்ததால் மேக்கப் போட்டால் மட்டுமே அந்த பருக்கள் மறைந்தது இதனால் மேலும் மேலும் பருக்கள் அதிகமாக ஒரு கட்டத்தில் இந்த சீரியலில் இருந்து விலகிவிட்டார் தீபிகா.
எனவே இவருக்கு பதிலாக தான் ஐஸ்வர்யா கதாபாத்திரத்தில் சாய் காயத்ரி அறிமுகமானார். ஆனால் ரசிகர்கள் தீபிகா அளவிற்க்கு சாய் காயத்திற்கு தங்களுடைய ஆதரவை கொடுக்கவில்லை மேலும் இந்த சீரியல் நீண்டுக் கொண்டே போவதால் சாய் காயத்ரி மேலும் தான் வளர வேண்டும் என்பதற்காக இந்த சீரியலில் இருந்து விலகி உள்ளார்.
எனவே தற்பொழுது ரசிகர்களுக்கு மகிழ்ச்சியை தரும் வகையில் மீண்டும் கண்ணனுக்கு ஜோடியாக ஐஸ்வர்யா கதாபாத்திரத்தில் தீபிகா நடிக்க இருக்கிறார் என்ற தகவல் வெளியாகி இருக்கிறது. விரைவில் தீபிகா நடித்திருக்கும் எபிசோடுகள் வெளியாகும் என எதிர்பார்க்கப்படுகிறது.