Ethirneechal Marimuthu: சன் டிவியில் ஒளிபரப்பாகி வரும் எதிர்நீச்சல் சீரியல் தொடர்ந்து பல திருப்பங்களுடன் மிகவும் விறுவிறுப்பாக ஒளிபரப்பாகி வருவதனால் ரசிகர்கள் மத்தியில் நல்ல வரவேற்பு கிடைத்து வருகிறது. இந்த சீரியல் டிஆர்பியில் முன்னணி வகித்து நன்றாக ஓடிக் கொண்டிருந்த நிலையில் எதிர்நீச்சல் சீரியலின் முக்கிய கதாபாத்திரமான ஆதி குணசேகரன் கேரக்டரில் நடித்து வந்த மாரிமுத்து திடீரென மரணமடைந்தார்.
எனவே அடுத்த குணசேகரன் யார் என்பது கேள்விக்குறியாக இருந்து வரும் நிலையில் தற்பொழுது அதற்கான பதில் கிடைத்துள்ளது. குணசேகரன் கேரக்டரில் நடித்து வந்த மாரிமுத்து கடந்த 8ம் தேதி அன்று காலமானார். எதிர்நீச்சல் சீரியல் டப்பிங் வேலை பார்த்துக் கொண்டிருக்கும் பொழுது திடீரென உடலில் ஏதோ பிரச்சனை இருப்பது போல் தோன்றியதால் உடனே மருத்துவமனைக்கு தானே சென்று அட்மிட் ஆனார்.
ஆனால் அப்பொழுதும் சிகிச்சை பலனின்றி உயிரிழந்தார். எனவே இதன் பிறகு எதிர்நீச்சல் சீரியலில் ஆதி குணசேகரன் கேரக்டரில் மாரிமுத்துவை தவிர வேறு எந்த நடிகர் நடித்தாலும் செட் ஆகாது அவருடைய இடத்தை யாராலும் பூர்த்தி செய்ய முடியாது என ரசிகர்கள் கூறிவரும் நிலையில் ஆனால் அதற்காக இயக்குனர் திருச்செல்வம் தொடர்ந்து குணசேகரன் கேரக்டருக்கு ஏற்றார் போல் நடிகரை தேடி வருகிறார்.
அந்த வகையில் முதலில் வேல ராமமூர்த்தியிடம் தான் பேச்சுவார்த்தை நடைபெற்றது ஆனால் தொடர்ந்து பல படங்களில் நடித்து வருவதனால் கடினமாக இருப்பதாக கூறியிருந்தார். இதனை அடுத்து தற்பொழுது வெளியாகி இருக்கும் தகவலின் படி பசுபதியிடம் சீரியல் குழு பேச்சுவார்த்தை நடைபெற்றதாகவும் அவருக்கும் எதிர்நீச்சல் சீரியலில் குணசேகரனாக நடிக்க மனம் இருந்ததால் அவரையே நடிக்க முடிவு செய்துள்ளார்களாம். விரைவில் பசுபதி நடிக்கும் எபிசோடுகள் வெளியாகும் என எதிர்பார்க்கப்படுகிறது.