Ethirneechal: சன் டிவியில் ஒளிபரப்பாகி வரும் எதிர்நீச்சல் சீரியலுக்கு விஜய் டிவியின் பாண்டியன் ஸ்டோர்ஸ் சீரியல் நடிகை என்ட்ரி கொடுத்திருக்கும் தகவல் சோசியல் மீடியாவில் வைரலாகி வருகிறது. தற்போது டிஆர்பியில் டிரெண்டிங்காக இருந்து வரும் முக்கியமான சீரியல் தான் எதிர்நீச்சல். இந்த சீரியலுக்கு மக்கள் மத்தியில் மிகப்பெரிய வரவேற்பு கிடைத்துவரும் நிலையில் தொடங்கிய நாளிலிருந்து தற்போது வரையிலும் விறுவிறுப்புக்கு பஞ்சம் இல்லாமல் ஒளிபரப்பாகி வருகிறது.
இந்த சீரியலில் படித்த பெண்களை திருமணம் செய்து கொண்டு அடிமைப்படுத்தி வரும் நிலையில் ஒரு கட்டத்தில் அந்த பெண்கள் கணவர்களை எதிர்த்து போராடிய வருகின்றனர். அந்த வகையில் ஆதி குணசேகரனை ஒட்டுமொத்த மருமகள்களும் சேர்ந்து மானபங்கம் செய்து வருகின்றனர். அதோடு மட்டுமல்லாமல் எப்படியாவது அப்பத்தாவின் 40% சொத்தை யாருக்கும் தெரியாமல் ஆட்டையை போட்டு விட வேண்டும் என்று கங்கணம் கட்டிக் கொண்ட குணசேகரனுக்கு ஜீவானந்தம் ஆப்பு வைத்துள்ளார்.
அந்த சொத்துக்களை ஜீவானந்தம் தன்னுடைய பெயரில் எழுதியிருக்கும் நிலையில் இதனால் குணசேகரன் என்ன செய்வது என்று தெரியாமல் தவித்து வருகிறார். இவ்வாறு இதனை வைத்து இந்த சீரியல் ஓடிக்கொண்டிருக்கும் நிலையில்தற்பொழுது விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியலில் நடித்து வரும் நடிகை எதிர்நீச்சல் சீரியலில் இணைய இருப்பதாக இணையதளத்தில் தகவல் வைரலாகி வருகிறது.
அதாவது பாண்டியன் ஸ்டோர்ஸ் தொடரில் முல்லையின் அம்மா கேரக்டரில் நடித்து வரும் நடிகை சாந்தி தான் தற்பொழுது எதிர்நீச்சல் சீரியலில் நடிக்க இருக்கிறாராம். இவர் ஏற்கனவே சன் டிவியில் ஒளிபரப்பான ஏராளமான செயல்களில் நடித்துள்ளார் என்பது குறிப்பிடத்தக்கது. அப்படி திருச்செல்வம் உதவி இயக்குனராக பணியாற்றிய மெட்டி ஒலி சீரியலில் இவர் வில்லியாக நடித்து ரசிகர்கள் மத்தியில் பிரபலமானார் என்பது குறிப்பிடத்தக்கது.
விரைவில் இவர் எந்த கதாபாத்திரத்தில் நடிக்கப் போகிறார் என்பது குறித்து தகவல் வெளியாக இருக்கிறது. இவ்வாறு நேருக்கு நேராக ஜீவானந்தம் குணசேகரனுடன் மல்லுக்கட்டி வரும் நிலையில் இது எங்கு போய் முடிய இருக்கிறது என்பதை பொறுத்திருந்துதான் பார்க்க வேண்டும்.