Pandian store : இன்றைய எபிசோடில் ஜீவா மீனாவிடம் நீ ஏன் முல்லை கூட திருச்சிக்கு போயே ஆகணும்னு நினைக்கிற. கதிர் தான் கூட போறேன்னு சொன்னாரே நீ போறதுக்கு என்ன காரணம் என்று கேட்பதற்கு அத பத்தியே ஏன் மாத்தி மாத்தி எல்லாரும் கேக்குறீங்க ஏன் நான் போகக்கூடாதா குழந்தை உச்சா போச்சுன்னா..
உங்களால பாத்துக்க முடியுமா அதனால தான் நான் போறேன் என ஜீவாவிடம் கோபமா சண்டை போடுகிறார். மீனா போட்ட சண்டையில் ஜீவா பதில் பேச முடியாமல் அமைதியாகிவிட்டார். அடுத்து தனம் மூர்த்தியிடம் இன்னைக்கு நான், பாண்டியன், பாப்பா மூன்று பேருமே உங்க கூடவே கீழ தூங்க போறோம் என்று சொல்கிறார்.
அதற்கு மூர்த்தி நீ போய் கட்டில்ல படு என்று சொல்வதற்கு நாளைக்கு நா திருச்சிக்கு போற இல்ல மாமா அதனால இன்னைக்கு உங்க கூட தூங்கலாம்னு இருக்கோம் என்று சொல்லி பேசிக் கொண்டிருக்கின்றனர். மூர்த்தி தனத்திடம் என்னை விட்டு ஒரு நாள் கூட எங்கேயும் போகாதே என்று சொல்வதற்கு தனம் உங்க கூடவே கடைசி வரையும் இருப்பதற்காக தான் இந்த ஒரு வாரம் உங்கள விட்டு போறேன் என மனசுல நினைக்கிறார்.
அடுத்த நாள் காலையில் மீனாவும் கயலிடம் அம்மா ஒரு வாரம் வெளியே போறேன் நீ பாட்டி கூட பத்திரமா இரு, அப்பா சொல்றத கேளு, ஸ்கூலுக்கு ஒழுங்கா போ என கயலுக்கு சொல்லிவிட்டு ஜீவாவிடமும் ஒழுங்கா சாப்பிடு நேரம் கிடைக்கும் போது நம்ம வீட்ல எல்லாரும் எப்படி இருக்காங்கன்னு..
போய் பாத்துட்டு வா என்று ஜீவாவுக்கும் அறிவுரை கூறிவிட்டு மீனா கிளம்புகிறார். தனம் மறுபடியும் காலையில் மூர்த்தி, கதிர், ஜீவா அனைவரிடமும் நல்லா சாப்பிடுங்க பத்திரமா இருங்க என்று சொல்கிறார். அடுத்து தனத்தின் அண்ணி கஸ்தூரியிடம் பாண்டியன பத்திரமா பாத்துக்கோங்க..
அண்ணி உங்கள நம்பி தான் பாண்டியன விட்டுட்டு போறேன் என்று சொல்வதற்கு கஸ்தூரி என் மருமகன நான் பாத்துக்குறேன் நீ கவலைப்படாம போயிட்டு வா என்று சொல்கிறார். தனம், முல்லை, மீனா மூன்று பேரையும் நல்ல நேரம் பார்த்து காரில் அனுப்பி வைக்கின்றனர்.. இதோடு இன்றைய எபிசோட் முடிந்துள்ளது.