இன்றைய காலகட்டத்தில் வருடத்திற்கு ஒரு திரைப்படத்தில் நடிப்பது முன்னணி நடிகர்களுக்கு மிகப்பெரிய சவாலான விஷயமாக இருந்து வருகிறது. அதிலும் ஒரு சில நடிகர்கள் ஒரு வருடத்திற்கு ஒரு படத்தில் நடிப்பது மிகவும் கடினமான ஒன்றாக இருக்கிறது. ஆனால் 80 – 90 காலகட்டத்தில் வருடத்திற்கு பல படங்களில் நடித்த நடிகர்களும் இருக்கிறார்கள்.
அந்தவகையில் அன்றிலிருந்து இன்றுவரை தமிழ் சினிமாவில் ஒரு வருடத்தில் பல திரைப்படங்களில் நடித்தவராக வலம் வருகிறார் நடிகர் மோகன் இவர் ஒரு வருடத்திற்கு கிட்டத்தட்ட 19 திரைப்படங்களில் நடித்துள்ளார். இவருக்கு அடுத்ததாக தமிழ் சினிமாவில் முன்னணி நடிகராகவும் அரசியல் தலைவராகவும் வலம் வரும் விஜயகாந்த் அவர்கள் ஒரு வருடத்தில் 18 படங்களில் நடித்து அனைவரையும் பிரமிக்க வைத்தார்.
இவர்கள் இருவரின் சாதனையையும் யாராலும் முறியடிக்க முடியாத சாதனையாக இருந்து வந்தது ஆனால் இந்த சாதனையை முறியடிக்க நானிருக்கிறேன் என கோலிவுட் வட்டாரத்தில் குதித்தவர் தான் ஷாநவாஸ் நசீர் இவர் பிரபல மலையாள நடிகராக இருந்தவர்.
இவர் ஒரே வருடத்தில் 40 திரைப்படங்களில் நடித்து இந்திய சினிமாவையே பிரமிக்க வைத்தார் அதேபோல் ஒரு வருடத்தில் அதிக திரைப்படங்களில் நடித்த நடிகர் என்ற பெருமையுடன் வலம் வருகிறார். மேலும் தயாரிப்பாளர்களுக்கு தற்பொழுது உள்ள பல நடிகர்கள் தொல்லை கொடுத்து வருகிறார்கள் ஆனால் தயாரிப்பாளர்களுக்கு தொல்லை கொடுக்காத ஒரே நடிகர் என்றால் இவரை தான் கூறுகிறார்கள்.
இன்றைய காலகட்டத்தில் ஒரு படத்தில் நடித்து விட்டால் அந்த நடிகர் மற்றும் நடிகைகள் காட்டும் பந்தாவுக்கு அளவே இல்லாமல் போகிறது. ஆனால் அந்த காலகட்டத்தில் நம்பர்-1 நடிகராக வலம் வந்தபோதும் இவர் பெரிதாக எந்த ஒரு பந்தாவும் காட்டாமல் மிகவும் எளிமையாக இருந்துள்ளார்.
இவரின் சாதனையை இன்றைய நடிகர்கள் முறியடிக்க முடியாத சாதனையாக இருந்து வருகிறது.
