Vijay Leo: நடிகர் விஜய் தற்பொழுது லோகேஷ் கனகராஜ் இயக்கத்தில் லியோ திரைப்படத்தில் நடித்துவரும் நிலையில் லியோ படத்தில் தனது காட்சிகளுக்கான படப்பிடிப்புகளை முடித்திருக்கிறார். இதனை அடுத்து அரசியலில் களமிறங்க இருப்பதால் அதற்கான தீவிரமாக பணிகளில் ஈடுபட்டு வருகிறார். இப்படிப்பட்ட நிலையில் தற்போது நடிகர் விஜய் நடித்திருக்கும் லியோ படத்தின் ஒன் லைன் ஸ்டோரி மற்றும் அவருடைய கேரக்டர் போன்றவை வெளியாகி இருப்பதனால் படக்குழு அப்செட்டில் உள்ளது.
தொடர்ந்து தமிழ் சினிமாவில் தரமான சம்பவத்தை ஏற்படுத்தும் வகையில் திரைப்படங்களை தந்து வரும் லோகேஷ் கனகராஜ் விஜயை வைத்து லியோ படத்தை உருவாக்கி வரும் நிலையில் இந்த படத்தின் படப்பிடிப்பு பணிகள் மிகவும் விறுவிறுப்பாக நடைபெற்று வருகிறது. அந்த வகையில் வருகின்ற ஆகஸ்ட் மாதம் இந்த படம் வெளியாகும் என எதிர்பார்க்கப்படுகிறது.
காஷ்மீரில் தொடங்கப்பட்ட லியோ பட ஷூட்டிங் சென்னையில் நடைபெற்றது இது குறித்த புகைப்படங்கள் சோசியல் மீடியாவில் வைரலாக இதனை பார்த்த ரசிகர்கள் லியோ படம் இப்படிதான் இருக்கும் என அவர்களே ஏராளமான தகவல்களை சோசியல் மீடியாவில் பரப்பி வந்தார்கள்.
ஆனால் லோகேஷ் கனகராஜ் ஏற்கனவே லியோ படத்தின் அப்டேட்டுகள் ஏராளமானவை வெளியான நிலையில் இதற்கு மேல் எந்த ஒரு அப்டேட்களும் வெளியாக கூடாது என நினைத்து வருகிறார். ஆனால் தற்பொழுது லியோ படத்தின் ஒன் லைன் ஸ்டோரியோடு சேர்த்து விஜயின் கேரக்டர் குறித்து ரிலீசாகியுள்ளது.
அந்த வகையில் லியோ படத்தில் நடிகர் விஜய் பார்த்திபன் என்ற கேரக்டரில் நடித்துள்ளார். மேலும் இவருடைய மனைவியாக நடிகை திரிஷா நடித்திருக்கிறார் எனவும் சாதாரணமாக காபி ஷாப் வைத்து தான் தனது வாழ்க்கையை நடத்தி வருகிறாராம். ஆனால் ஒரு கும்பலால் தனக்கு ஏற்பட்ட பிரச்சனையினால் மாஃபியா வரையும் சிக்கி தவித்து இருக்கிறாராம். முழுக்க முழுக்க ஆக்சன் காட்சிகள் நிறைந்த படமாக லியோ படம் உருவாகி இருப்பதாக கூறப்படுகிறது.