Leo movie: விஜய் நடிப்பில் உருவாகி வரும் லியோ படத்தின் படப்பிடிப்பு பணிகள் மிகவும் விறுவிறுப்பாக நடைபெற்று வரும் நிலையில் லியோ படத்தின் ஆடியோ வெளியீட்டு விழா எப்பொழுது மற்றும் எங்கு நடைபெற இருக்கிறது என்பது குறித்த தகவல் வெளியாகி உள்ளது. லோகேஷ் கனகராஜ் இயக்கத்தில் தயாரிப்பாளர் லலித் தயாரிப்பில் விஜய் நடிப்பில் மிகவும் பிரம்மாண்டமாக உருவாகி வரும் திரைப்படம் தான் லியோ.
தயாரிப்பாளர் லலித், நடிகர் விஜய், திரிஷா ஆகியோர்கள் மலேசியாவிற்கு விசிட் அடித்திருப்பதாக தகவல் வெளியானது. இந்நிலையில் தற்பொழுது லியோ படத்தின் இசை வெளியீட்டு விழா நடைபெறும் தேதி மற்றும் இடம் குறித்த சூப்பர் அப்டேட் வெளியாகியுள்ளது. லியோ படத்தில் தளபதி விஜய், த்ரிஷாவை தொடர்ந்து சஞ்சய் தத், அர்ஜூன், மிஸ்கின், கௌதம் மேனன், பிரியா ஆனந்த், மன்சூர் அலிகான் உள்ளிட்ட பலரும் முக்கிய கதாபாத்திரத்தில் நடிக்க மிகவும் பிரம்மாண்டமாக உருவாகியுள்ளது.
மேலும் இந்த படத்திற்கு ராக்ஸ்டார் அனிருத் இசையமைத்திருக்கும் நிலையில் மலேசியாவில் வரும் அக்டோபர் 6ம் தேதி அன்று லியோ படத்தின் இசை வெளியீட்டு விழா நடைபெற இருப்பதாக தகவல் வெளியாகியிருக்கிறது. அந்த வகையில் வாரிசு மற்றும் ஜெயிலர் படத்தின் இசை வெளியீட்டு விழா நேரு உள்விளையாட்டு அரங்கில் நடைபெற்ற நிலையில் லியோ இசை வெளியீட்டு விழா மலேசியாவின் Axiata Arena Bukit Jail, Kuala Lumpur விளையாட்டு அரங்கில் நடைபெற இருக்கிறதா.
இதில் மொத்தமாக 16 ஆயிரம் பேருக்கான இருக்கைகள் இருப்பதாகவும் மிகவும் பிரம்மாண்டமாக செட் அமைக்கப்பட இருப்பதாகவும் கூறப்படுகிறது. இவ்வாறு இது குறித்த தகவல் சோசியல் மீடியாவில் வைரலாக இதில் தளபதி விஜய் எப்படிப்பட்ட குட்டி கதை சொல்லப் போகிறார் என ரசிகர்கள் மிகுந்த ஆர்வமுடன் எதிர்பார்த்து வருகின்றனர். லியோ படம் வெளியாக இன்னும் 67 நாட்கள் உள்ளது எனவே விஜய்யின் ரசிகர்கள் #Thalapathy67 ஹாஷ்டேக்கை சோசியல் மீடியாவில் தெறிக்க விட்டு வருகிறார்கள்.