நடிகர் விஜய் தற்போது இளம் இயக்குனர் நெல்சன் இயக்கத்தில் நடித்து வரும் பீஸ்ட் திரைப்படம் வருகின்ற ஏப்ரல் 18ஆம் தேதி உலகமெங்கும் திரையரங்கில்
வெளியாகும் என தகவல்கள் வெளிவந்துள்ளன. விஜய் நடிப்பில் கடைசியாக வெளிவந்த மாஸ்டர் திரைப்படம் ரசிகர்களிடையே நல்ல வரவேற்பைப் பெற்று வசூல்
ரீதியாகவும் சிறந்து விளங்கின.
இதையடுத்து தற்போது விஜய் நடிப்பில் உருவாகி வரும் பீஸ்ட் திரைப்படம் ரசிகர்கள் மத்தியில் பெரும் எதிர்பார்ப்பை உருவாக்கியுள்ளது. இந்த படத்தில் விஜயுடன் இணைந்து பூஜா ஹெக்டே நடித்துள்ளார். பீஸ்ட் படத்திலிருந்து முதல் பாடலாக வெளிவந்த அரபிக் குத்து பாடல் மக்கள் மற்றும் ரசிகர்களிடையே செம ட்ரெண்டாகி வைரல் ஆகி வருகின்றன.
மேலும் இந்த பாடலுக்கு சினிமா பிரபலங்கள் மற்றும் பலரும் நடனமாடி சோஷியல்
மீடியாவில் பதிவிட்டு வருகின்றனர். மேலும் யூடியூப்பில் அரபி குத்து பாடல் எண்ணற்ற பார்வையாளர்களைக் கடந்துள்ளது. இந்த பீஸ்ட் படத்தின் படப்பிடிப்பு கூடிய விரைவில் முடிவடைய உள்ள நிலையில் விஜய் அடுத்து அவர் நடிக்க உள்ள 66வது படத்திலும் கமிட்டாகியுள்ளார்.
விஜயின் அடுத்த 66 வது படத்தை தெலுங்கு இயக்குனர் வம்சி
மற்றும் தில் ராஜூ தயாரிக்க உள்ளார். மேலும் அதற்கடுத்த 67 வது படத்தை லோகேஷ் கனகராஜ் இயக்க உள்ளார் என தகவல் வெளியாகின. இந்த 67வது
படத்தில் பல வருடங்களுக்கு பிறகு மீண்டும் விஜய் முரட்டுத்தனமான வில்லனாக நடிக்க உள்ளதாகவும் கூறப்படுகின்றன.
இந்த நிலையில் விஜய்யின் பீஸ்ட் திரைப்படத்தின் ஆடியோ லான்ச் வருகின்ற 20 ஆம் தேதி நடைபெறும் எனவும் இந்த படத்தின் டிரைலர் ஏப்ரல் முதல் வாரத்தில் வெளியாகும் எனவும் தகவல்கள் வெளியாகியுள்ளன. இந்த செய்தியால் தற்போது
விஜய் ரசிகர்கள் செம மகிழ்ச்சியில் உள்ளனர்.