நடிகர் விஜய் சேதுபதி தமிழ் சினிமாவில் முன்னணி நடிகராகவும் எதார்த்தமான நடிகராகவும் வலம் வருகிறார். இவர் நடிப்பில் வெளியாகிய பல திரைப்படங்கள் வெற்றி திரைப்படங்கள் தான் என்று கூறலாம்.
பல நடிகர்கள் சினிமாவில் நடித்தால் ஹீரோவாகத்தான் நடிப்பேன் என கதாபாத்திரத்திற்காக காத்துக் கொண்டிருப்பார்கள் ஆனால் நடிகர் விஜய் சேதுபதி ஹீரோ கதாபாத்திரம் மட்டுமல்லாமல் வில்லனாகவும் நடித்து மிரட்டியுள்ளார் அது மட்டுமில்லாமல் ஒரு சில திரைப்படங்களில் குணச்சித்திர கதாபாத்திரத்தில் நடித்துள்ளார்.
இந்த நிலையில் இவருக்கு ஹீரோ கதாபாத்திரத்தை விட வில்லன் கதாபாத்திரம் மிகவும் பொருந்தி விட்டது அதனால் இவரை வில்லனாக நடிக்க பல இயக்குனர்கள் அணுகி வருகிறார்கள். அந்தவகையில் மாஸ்டர் திரைப்படத்தில் விஜய் சேதுபதியின் வில்லன் கதாபாத்திரம் அனைவரையும் பிரமிக்க வைத்தது.
இந்த நிலையில் மீண்டும் தெலுங்கு சினிமாவில் வில்லன் கதாபாத்திரத்தில் நடிப்பதற்கு விஜய் சேதுபதி ஒப்பந்தம் செய்யப்பட்டுள்ளார். அதுவும் கொஞ்சம் கூட ஈவு இரக்கமில்லாத பவானி கதாபாத்திரத்திற்கு பிறகு தான் விஜய்சேதுபதியின் கேரியர் உயர்ந்தது அது மட்டுமில்லாமல் தெலுங்கு சினிமாவில் உப்பனா திரைப்படத்தில் வில்லனாக நடித்து மிரட்டியதால் அடுத்தடுத்த திரைப்படத்தில் வில்லன் கதாபாத்திரம் அமைந்து வருகிறது.
அந்த வகையில் தெலுங்கு சினிமாவில் பல முன்னணி நடிகர்கள் தங்களுடைய திரைப்படங்களில் விஜய் சேதுபதியை வில்லனாக நடிக்க வைக்க வேண்டும் என போட்டி போட்டுக்கொண்டு ஒரு கோடி ரூபாய் சம்பளமாக இருந்தாலும் பரவாயில்லை என கொடுப்பதற்கு தயாராகி விட்டார்கள். சமீபத்தில்கூட சிரஞ்சீவி விஜய் சேதுபதியின் பவானி கதாபாத்திரத்தை புகழ்ந்து தள்ளியுள்ளார்.
ஒரே நேரத்தில் தனுசை போல் பாலிவுட் கோலிவுட் டோலிவுட் என கலக்கிக் கொண்டு வருகிறார் விஜய் சேதுபதி.