மாநகரம் என்ற திரைப்படத்தின் மூலம் இயக்குனராக அறிமுகமானவர் இயக்குனர் லோகேஷ். அதன் பிறகு கைதி, மாஸ்டர், விக்ரம், எனத் தொடர்ந்து வெற்றி படங்களை கொடுத்து தற்போது விஜயை வைத்து லியோ படத்தை இயக்கி வருகிறார் இயக்குனர் லோகேஷ் கனகராஜ். தற்போது லியோ திரைப்படத்தின் படப்பிடிப்பு தற்போது காஷ்மீரில் மிக விறுவிறுப்பாக நடைபெற்று வருகிறது.
லியோ திரைப்படத்திற்கு முன்பு லோகேஷ் கனகராஜ் கமல்ஹாசனை வைத்து விக்ரம் படத்தை இயக்கினார் இந்த திரைப்படம் மிகப்பெரிய அளவில் வெற்றி பெற்றது மட்டுமல்லாமல் தமிழ் சினிமா துறை உலகை தூக்கி நிறுத்தியது என்றே சொல்லலாம் அந்த அளவிற்கு ஒரு பிரம்மாண்ட வெற்றியை கொடுத்தது.
இந்த நிலையில் தமிழ் சினிமாவில் உள்ள அனைத்து நடிகர்களை வைத்து எப்படியாவது படத்தை இயக்க வேண்டும் என்று மிகப்பெரிய கனவோடு இருக்கிறார் இயக்குனர் லோகேஷ் கனகராஜ் அதிலும் குறிப்பாக நடிகர் ரஜினியை வைத்து எப்படியாவது ஒரு படத்தை இயக்க வேண்டும் என்று குறிக்கோளோடு இருக்கிறார்.
இந்த நிலையில் வரப்பிரசாதம் போல லோகேஷ் கனகராஜ் படத்திற்கு ரஜினி பச்சைக் கொடி காட்டி இருக்கிறார். தற்போது ரஜினி அவர்கள் நெல்சன் திலீப்குமார் இயக்கம் ஜெயிலர் திரைப்படத்தில் நடித்து இந்த படத்தின் படப்பிடிப்பு தற்போது இறுதி கட்டத்தை நெருங்கி விட்டதால் படபிடிப்பு விறுவிறுப்பாக நடைபெற்று வருகிறது.
இதனைத் தொடர்ந்து அடுத்ததாக தன்னுடைய மகள் இயக்கம் லால் சலாம் திரைப்படத்தில் ஒரு கவுரவத் தோற்றத்தில் நடிக்க இருக்கிறார் நடிகர் ரஜினி. மேலும் தலைவர் 170வது திரைப்படத்தை இயக்குனர் ஞானவேல் அவர்கள் இயக்க இருக்கிறார் என்று லைக்கா நிறுவனம் ஏற்கனவே அதிகாரபூர்வமாக அறிவித்திருக்கிறது.
இந்த நிலையில் இயக்குனர் லோகேஷ் கனராஜ் இடையில் சந்தித்திருக்கிறார் நடிகர் ரஜினி இதனால் இயக்குனர் லோகேஷ் கனகராஜ் உடன் தனது 170வது திரைப்படத்தில் நடிக்க இருக்கிறார் என்று சில தகவல்கள் வெளியானது ஆனால் இந்த படத்தை ஞானவேல் இயக்க இருப்பதாக அதிகாரப்பூர்வமாக அறிவித்திருந்தனர்.
இதனை தொடர்ந்து அடுத்ததாக தலைவர் 171 வது திரைப்படத்தை இயக்குனர் லோகேஷ் கனகராஜ் தான் இயக்க இருக்கிறார் என்று தற்போது ஒரு தகவல் வெளியாகியிருக்கிறது அது மட்டும் அல்லாமல் ரஜினிக்காக இந்த படத்தின் ஸ்கிரிப்ட்டை விக்ரம் படத்தை விட வெறித்தனமாக ரெடி செய்து வருவதாக தகவல் வெளியாகி இருக்கிறது இதனால் ரசிகர்கள் மத்தியில் மிகப்பெரிய எதிர்பார்ப்பு காணப்படுகிறது.