தமிழ் சினிமாவில் முன்னணி இயக்குனர்களில் ஒருவராக வலம் வந்து கொண்டிருக்கும் லோகேஷ் கனகராஜ் தொடர்ந்து அடுத்த அடுத்த வெற்றி திரைப்படங்களை தந்து ஒட்டுமொத்த தமிழ் ரசிகர்களையும் கவர்ந்து உள்ளார். மேலும் இவருடைய இயக்கத்தில் வெளியாகும் அனைத்து திரைப்படங்களும் ரசிகர்கள் மிகுந்த ஆதரவு கிடைத்து வருகிறது.
ஒரு சில திரைப்படங்கள் மட்டுமே இயக்கியிருந்தாலும் அனைத்தும் பிளாக்பஸ்டர் ஹிட் பெற்றுள்ளது எனவே முன்னணி நடிகர்கள் பலரும் லோகேஷ் கனகராஜ் இயக்கத்தில் உருவாகும் படங்களில் நடிக்க ஆசைப்பட்டு வருகிறார்கள். லோகேஷ் கனகராஜ் கடந்த 2016ஆம் ஆண்டு வெளியான மாநகரம் திரைப்படத்தின் மூலம் இயக்குனராக சினிமாவிற்கு அறிமுகமான நிலையில் இதனை தொடர்ந்து கார்த்தியை வைத்து கைது திரைப்படத்தினை இயக்கியிருந்தார்.
மேலும் கடந்த 2020ஆம் ஆண்டு விஜய் மற்றும் விஜய் சேதுபதி நடிப்பில் வெளியான மாஸ்டர் திரைப்படத்தினை இயக்கி பட்டித்தொட்டி எங்கும் பிரபலமானார். இவ்வாறு இந்த படங்களின் புகழை ஓரம் கட்டும் அளவிற்கு கடந்த ஆண்டு விக்ரம் திரைப்படம் வெளியானது இந்த படம் மிகப்பெரிய அளவில் வெற்றி பெற்ற நிலையில் விமர்சன ரீதியாகவும், வசூல் ரீதியாகவும் நல்ல வரவேற்பை பெற்றது.
இவ்வாறு வெற்றி திரைப்படங்களைக் தந்த வரும் லோகேஷ் கனகராஜ் தற்பொழுது விஜய் வைத்து லியோ திரைப்படத்தினை உருவாக்கி வருகிறார். இந்த படத்தின் படப்பிடிப்பு காஷ்மீரில் நடைபெற்று வந்த நிலையில் அது முடிந்தவுடன் சென்னையில் நடைபெற்று வருகிறது. மிகப் பெரிய செட் அமைக்கப்பட்டு பிரமாண்டமாக நடைபெற்று வருகிறது.
இந்த படத்தில் விஜய்க்கு ஜோடியாக திரிஷா நடித்து வரும் நிலையில் இவர்களை தொடர்ந்து சஞ்சய் தத், மிஸ்கின், அர்ஜுன் தாஸ், கௌதம் மேனன், மன்சூர் அலிகான் உள்ளிட்ட மேலும் ஏராளமான பிரபலங்கள் இணைந்து நடித்து வருகிறார். இவ்வாறு இந்த படத்தின் படப்பிடிப்பு விரைவில் முடிய இருக்கும் நிலையில் ஆயுத பூஜையை முன்னிட்டு வெளியாகும் என எதிர்பார்க்கப்படுகிறது.
இப்படிப்பட்ட நிலையில் சமீப பேட்டியில் லோகேஷ் கனகராஜ் கூறியிருக்கும் தகவல் ரசிகர்கள் மத்தியில் பெரிய அதிர்ச்சியை ஏற்படுத்தி உள்ளது. அதாவது அவர், தனக்கு நிறைய படங்கள் பண்ண வேண்டும் என்ற ஆசை இல்லை, 20 வருஷம் எல்லாம் சினிமாவில் இருக்க வேண்டும் என்ற ஐடியாவும் இல்லை, 10 படங்கள் பண்ணிட்டு விலகி விடுவேன் என கூறியிருப்பது ரசிகர்கள் மத்தியில் வருத்ததை ஏற்படுத்தி உள்ளது.