நடிகர் விஜய் தற்பொழுது லோகேஷ் கனகராஜ் இயக்கத்தில் லியோ திரைப்படத்தில் நடித்துவரும் நிலையில் இந்த படத்தின் அப்டேட்டுகள் தொடர்ந்து அதிகாரப்பூர்வமாக அறிவிக்கப்பட்டு வருகிறது. அந்த வகையில் இந்த படத்தினை எஸ் லலித்குமார் தயாரிக்க இணை தயாரிப்பாளராக ஜெகதீஷ் பழனிசாமி இணைந்துள்ளார்.
மேலும் மனோஜ் பரமாஹம்சா பணிபுரிந்து வரும் நிலையில் அனிருத் ரவிச்சந்திரன் இசையமைக்க உள்ளார் இவர்களை அடுத்து பிலோமின் ராஜு படத்தொகுப்பு செய்ய சதீஷ்குமார் கலை இயக்கத்தையும், நடன இயக்கத்தை தினேஷ் மாஸ்டரும் மேற்கொள்ள இருக்கின்றனர் இவ்வாறு இந்த படத்தின் படப்பிடிப்பு தற்போது மிகவும் விறுவிறுப்பாக நடைபெற்று வருகிறது.
அந்த வகையில் இந்த திரைப்படத்தின் படப்பிடிப்புகள் முடிந்து அக்டோபர் மாதம் 19ஆம் தேதி அன்று திரையரங்குகளில் வெளியாகும் எனவும் ஆயுத பூஜை, சரஸ்வதி பூஜையை முன்னிட்டு இந்த படம் தமிழ், தெலுங்கு, கன்னடம், ஹிந்தி ஆகிய மொழிகளில் வெளியாக இருப்பதாகவும் அறிவிக்கப்பட்டுள்ளது. இந்த படத்தின் படப்பிடிப்பு கடந்த ஜனவரி 2ம் தேதி துவங்கப்பட்ட நிலையில் தற்பொழுது காஷ்மீரில் படப்பிடிப்புகள் நடைபெற்று வருகிறது.
இவ்வாறு இந்த படத்தில் விஜய்க்கு ஜோடியாக நடிகை திரிஷா நடித்து வரும் நிலையில் ரசிகர்கள் மத்தியில் மிகுந்த எதிர்பார்ப்பினை ஏற்படுத்தி உள்ளது. மேலும் இவர்களை அடுத்து பிரியா ஆனந்த், சஞ்சய் தத், மிஷ்கின், கௌதம் வாசுதேவ் மேனன், மேத்யூ தாமஸ், மன்சூர் அலிகான், அர்ஜுன் ஆகியோர்களும் நடிக்கின்றனர். பிரபல சோனி மியூசிக் நிறுவனம் கைப்பற்றியுள்ள நிலையில் சேட்டிலைட் டிவி ஒளிபரப்பு உரிமத்தை சன் டிவியும், ஓடிடி உரிமையை பிரபல நெட்பிளிக்ஸ் நிறுவனமும் கைப்பற்றியுள்ளது என்பது குறிப்பிடத்தக்கது.
இப்படிப்பட்ட நிலையில் இந்த படத்தின் படப்பிடிப்பின் பொழுது கலை இயக்குனர் சதீஷ்குமார் பிறந்த நாளை கேக் வெட்டி கொண்டாடியுள்ளனர் அப்பொழுது இயக்குனர் லோகேஷ் கனகராஜ் கலை இயக்குனர் சதீஷுக்கு முத்தம் கொடுத்து வாழ்த்திய புகைப்படங்கள் இணையதளத்தில் வைரலாகி வருகிறது.