தளபதி விஜய் தற்போது தனது பெயர் வைக்கப்படாத 66வது படத்தில் தீவிரமாக நடித்து வருகிறார். இந்த படத்தில் தெலுங்கு இயக்குனர் வம்சி உடன் முதல் முறையாக கைகோர்த்து விஜய் இணைந்து உள்ளார். விஜய் இந்த படத்திற்கு முன் நெல்சன் உடன் கைகோர்த்து நடித்த பீஸ்ட் படம்.
மோசமான விமர்சனத்தை பெற்ற நிலையில் இந்த படம் சிறப்பாக இருக்க வேண்டும் என படக்குழு பார்த்து பார்த்து படத்தை தீவிரமாக எடுத்து வருகிறது படத்தின் முதற்கட்ட படப்பிடிப்பு முடிவடைந்த நிலையில் இரண்டாம் கட்ட படப்பிடிப்பு தற்போது தீவிரமாக நடந்து வருகிறது.
மேலும் இந்த படத்தை பிரமாண்ட பட்ஜெட்டில் தில் ராஜு தயாரித்து வருகிறார். இந்த படம் ஒரு குடும்ப சென்டிமென்ட் படமாக இருக்கும் என தெரிய வருகிறது மேலும் படத்தில் விஜயுடன் இணைந்து ராஷ்மிகா மந்தனா, சரத்குமார், பிரகாஷ்ராஜ், ஷாம் போன்ற பெரிய நட்சத்திரப் பட்டாளமே நடித்து வருகின்றனர்.
இந்த நிலையில் தளபதி 66 படத்தில் கெஸ்ட் ரோலில் மகேஷ்பாபு நடிக்க உள்ளார் என்ற தகவல் கூட அண்மையில் வெளிவந்துள்ளது. இப்படி படத்தில் இணைவோரின் செய்தி அப்பப்போ வெளிவந்த வண்ணம் இருக்கின்றன. விஜய் பிறந்த நாள் அன்று தளபதி 66 படத்தில் முக்கிய அப்டேட்டை படக்குழு வெளியிடும் என எதிர்பார்க்கப்படுகிறது.
இந்த நிலையில் தற்போது சமூக வலைதளப் பக்கங்களில் தளபதி 66 படத்தின் படப்பிடிப்பின்போது விஜய்யின் புகைப்படம் ஒன்று வெளியாகியுள்ளது. மேலும் இந்த படத்தின் செட்டின் புகைப்படமும் வெளியாகி தற்போது ரசிகர்கள் மத்தியில் வைரலாகி வருகிறது. இதோ அந்த புகைப்படங்கள்.
