தென்னிந்திய சினிமாவில் நம்பர்-1 நடிகையாக வலம் வருபவர் லேடி சூப்பர் ஸ்டார் நயன்தாரா சினிமா உலகில் மிக சைலண்டாக இருந்துகொண்டு பட வாய்ப்பை அள்ளுவதில் நயன்தாராவுக்கு ஈடு இணை அவரே என்றுதான் கூறவேண்டும். சினிமாவில் தனது அசாதாரணமான நடிப்பு கவர்ச்சி என எல்லாவற்றிலும் பின்னி பெடல் எடுத்தாலும் நிஜ வாழ்க்கையில் இருக்கின்ற இடம் தெரியாமல் இருப்பதால்தான் பலருக்கும் பிடித்த நடிகையாக இன்றும் இருந்து வருகிறார்.
மேலும் நயன்தாரா சினிமா ஆரம்பத்திலிருந்து இப்போதுவரையிலும் டாப் நடிகர்களுடன் மட்டுமே பெருமளவு நடித்துள்ளார். அப்படி இல்லை என்றால் இவர் பெரிதும் சோலோ படங்களில் களமிறங்கி நடிப்பதை வழக்கமாக வைத்துள்ளார். சினிமா உலகைப் பொறுத்தவரை தொடர் ஹிட் படங்களை கொடுத்த நடிகைகளில் ஒருவர் நயன்தாரா மட்டுமே இருக்க முடியும்.
ஏனென்றால் அந்த அளவிற்கு படத்தின் கதையை நன்கு புரிந்து கொண்டு படத்தில் கமிட் ஆகுவது இவரது ஸ்டைல். அண்மையில் கூட ரஜினியுடன் இவர் அண்ணாத என்ற திரைப்படத்தில் நடித்திருந்தார். இந்த திரைப்படம் வெளியாகி தற்போது மக்கள் மத்தியில் நல்ல வரவேற்பை பெற்று வருகிறது இந்த திரைப்படத்தை தொடர்ந்து அவர் கோல்டு, லயன் என பல்வேறு திரைப்படங்களில் ஒப்பந்தமாகி நடித்து வருகிறார்.
தென்னிந்திய சினிமா உலகில் சுற்றிக்கொண்டிருந்த நயன்தாரா அட்லி இயக்கும் லயன் திரைப்படத்தின் மூலம் ஷாருக்கானுடன் கைகோர்த்து இந்தியில் அறிமுகமாகிறார். இப்படி மிகப்பெரிய வெற்றியை ருசிக்குமா நயன்தாராவின் மார்க்கெட் விண்ணைத் தொடும் என கூறப்படுகிறது.
இந்த நிலையில் லேடி சூப்பர் ஸ்டார் நயன்தாரா ஹீரோயின் என்றால் 5 கோடியும் தங்கை கதாபாத்திரத்தில் நடிக்க 4 கோடியும் ஒரு லிஸ்ட் போட்டு உள்ளதாக தகவல் ஒன்று உலா வருகிறது. ஆனால் இது எந்த அளவிற்கு உண்மை என்பது தெரியவில்லை ஆனால் இந்த செய்தி இணையதளத்தில் தீயாக பரவி வருகிறது.