வெள்ளித்திரையில் பயணிக்க ஆசைப்படும் பெரும்பாலான நடிகைகள் எடுத்த உடனேயே அந்த வாய்ப்பு நிறைவேறாமல் போவதால் ஆரம்பத்தில் கிடைக்கின்ற வாய்ப்பை பயன்படுத்தி அதன் மூலம் மக்கள் மற்றும் ரசிகர்கள் மத்தியில் பிரபலம் அடைந்து பின்பு தனது இலக்கை அடைகின்றனர்.
அப்படி பல திறமை உள்ள நடிகைகள் பலரும் ஆரம்பத்தில் சின்னத்திரை சீரியலில் கதாநாயகியாக நடித்து ரசிகர்கள் மத்தியில் பிரபலமடைந்து ஒருகட்டத்தில் சினிமா பிரபலங்கள் மத்தியிலும் இவரது பெயர் பேசப்பட்டு பின்பு திரைப்படங்களில் நடிக்க நுழைகின்றனர். அப்படி சின்னத்திரை சீரியல் நடிகைகளில் ஒருவரான காவ்யா அறிவுமணி இவர் டி ஆர் பி யில் டாப் லிஸ்டில் இருக்கும் பாரதி கண்ணம்மா என்ற சீரியலில் நடித்து அறிமுகமானவர்.
பின்பு மற்றொரு டாப் சீரியல் ஆன பாண்டியன் ஸ்டோர் சீரியலில் முல்லை கதாபாத்திரத்தில் நடித்து வந்த சித்ரா நிஜத்தில் தற்கொலை செய்து கொண்டதையடுத்து அவர் நடித்து வந்த முல்லை கதாபாத்திரத்திற்கு பின்பு காவியா அறிவுமணி நடிக்கத் தொடங்கினார்.
முல்லை கதாபாத்திரத்திற்கு ரசிகர்கள் பலரும் காவியாவை ஏற்றுக்கொண்டு இந்த கதாபாத்திரத்தின் மூலம் பெரிதும் பிரபலமடைந்தார் காவியா. இப்படி இருக்கின்ற நிலையில் பாண்டியன் ஸ்டோர் சீரியலிருந்து காவியா அறிவுமணி விலகுவதாக தகவல்கள் சில சமூக வலைதளங்களில் வெளிவந்த வண்ணம் இருக்கின்றன. மேலும் அவர் வெள்ளித்திரையிலும் ஒரு சில திரைப் படங்களிலும் கமிட்டாகி உள்ளார் என்பது குறிப்பிடத்தக்கது.
அந்தவகையில் நடிகர் கவினுடன் ஒரு திரைப்படத்தில் கதாநாயகியாக நடிக்கிறார். மேலும் தற்போது மாஸ்டர் பட நடிகர் மகேந்திரன் நடித்து வரும் ஒரு புதிய படத்திலும் கதாநாயகியாக காவ்யா நடித்து வருகிறார் இந்த செய்தியை தெரிந்த காவியா ரசிகர்கள் பலரும் மிகுந்த சந்தோஷத்தில் உள்ளனர்.