இளம் இயக்குனர்கள் அண்மை காலமாக நல்ல நல்ல படங்களை கொடுத்து மக்கள் மற்றும் ரசிகர்கள் மத்தியில் பிரபலமடைகின்றனர். அந்த வகையில் இளம் இயக்குணர் லோகேஷ் கனகராஜ் தமிழ் சினிமா உலகில் தொடர்ந்து வெற்றி படங்களையும் கொடுத்து ஓடிக்கொண்டிருக்கிறார்.
இவர் இதுவரை மாநகரம், கைதி, மாஸ்டர்.. கடைசியாக உலக நாயகன் கமலஹாசனை வைத்து விக்ரம் என்னும் படத்தையும் எடுத்தார் இந்த படம் பிளாக்பஸ்டர் ஹிட் அடித்தது. இந்தப் படத்தை தொடர்ந்து இயக்குனர் லோகேஷ் கனகராஜ் விஜய் உடன் கைகோர்த்து தளபதி 67 படத்தை எடுக்க திட்டமிட்டு இருக்கிறார்.
இந்த படமும் மிகப்பெரிய ஒரு ஆக்சன் திரைப்படமாக உருவாக இருக்கிறது என ஏற்கனவே லோகேஷ் கனகராஜ் சொல்லி உள்ளார் ஆனால் இந்த படத்தில் யார் யார் நடிக்க போகிறார்கள் என்பது மட்டும் இதுவரை சரியாக சொல்லப்படாமல் இருந்து வருகிறது. இந்த நிலையில் ஒரு சூப்பரான தகவல் கிடைத்து இருக்கிறது.
அதாவது விக்ரம் படத்தில் எப்படி ரோலக்ஸ் கதாபாத்திரத்தில் சூர்யா சின்ன காட்சியில் வந்திருந்தாலும் மிரட்டி விட்டு போனாரோ அதே போல தளபதி 67 திரைப்படத்தில் கமல் ஒரு கெஸ்ட் ரோலில் நடிக்க இருப்பதாக தகவல்கள் வெளிவந்துள்ளது. தளபதி படத்தில் கமல் கெஸ்ட் ரோலில் வருந்தாலும் வலுவான.. கதைக்கு தேவையான கதாபாத்திரமாக இருக்கும் என சொல்லப்படுகிறது.
முதல் முறையாக கமலும், விஜயும் ஒரே படத்தில் நடிப்பதால் இந்த படத்திற்கான எதிர்பார்ப்பு அதிகரித்து உள்ளது. இது குறித்து உறுதியான தகவல் வெகு விரைவிலேயே வரும் என சொல்லப்படுகிறது இருந்தாலும் இந்த தகவல் தற்பொழுது தளபதி மற்றும் உலக நாயகன் ரசிகர்களை கொண்டாட வைத்துள்ளது.