சமீபகாலமாக தமிழ் சினிமாவில் மக்கள் மற்றும் ரசிகர்களுக்கு பிடிக்கும் வகையில் நல்ல கதை களத்துடன் இளம் இயக்குனர்கள் பலரும் படம் எடுத்து வருகின்றனர். அப்படி இளம் இயக்குனர்களில் ஒருவரான விக்னேஷ் சிவன் இயக்கத்தில் விஜய் சேதுபதி நயன்தாரா நடிப்பில் வெளிவந்த நானும் ரவுடிதான் படம் காமெடி, ஆக்ஷன், சென்டிமென்ட் போன்ற அனைத்தும் கலந்து மக்களை என்டர்டைன்மென்ட் செய்தது.
இந்த படம் இயக்குனர் விக்னேஷ் சிவனுக்கு நல்ல பெயரையும் புகழையும் வாங்கி தந்தது இதை தொடர்ந்து டாப் நடிகர் நடிகையான சூர்யா மற்றும் கீர்த்தி சுரேஷை வைத்து தானா சேர்ந்த கூட்டம் என்ற திரைப்படத்தை எடுத்து இருந்தார். இந்த படம் ரசிகர்கள் மத்தியில் சுமாரான வெற்றி பெற்றதைத்..
தொடர்ந்து தனது காதலி நயன்தாரா மற்றும் மற்றொரு டாப் நடிகையான சமந்தா, விஜய் சேதுபதியை வைத்து காத்துவாக்குல ரெண்டு காதல் என்ற திரைப்படத்தை எடுத்து வந்தார். இந்த படம் வெளிவருவதற்கு முன்பே ட்ரெய்லர், பாடல் எல்லாம் வெளிவந்து ரசிகர்களிடையே செம ட்ரெண்ட் ஆகியது.
இதனைத் தொடர்ந்து நேற்று ஏப்ரல் 28 ம் தேதி அன்று காத்துவாக்குல ரெண்டு காதல் திரைப்படம் வெளியாகியது இந்த படத்தில் அமைந்துள்ள காதல் காட்சிகள் மக்களை என்டர்டெய்ன்மெண்ட் செய்து திரையரங்கில் சிறப்பாக ஒளிபரப்பாகி வருகிறது. இந்த படம் முதல் நாளில் சென்னையில் மட்டுமே 66 லட்சம் வசூல் வேட்டை நடத்தியது.
அதைப்போல் காத்து வாக்குல ரெண்டு காதல் படம் தமிழகத்தில் மட்டும் 5.20 கோடி வசூல் வேட்டை நடத்தியுள்ளது. மேலும் மக்கள் மத்தியில் இந்த படத்திற்கு நல்ல ரெஸ்பான்ஸ் இருக்கின்றன அதனால் அடுத்தடுத்த தினங்களில் அதிகம் வசூல் வேட்டை நடத்தும் எனவும் எதிர்பார்க்கப்படுகிறது.