இன்னைக்கு “முத்து பாண்டியன்” ஆட்டத்தை பாக்க போறீங்க.. லேட்டா வந்தாலும் லேட்டஸ்ட்டா வருவோம்..

Jailer trailer : தமிழ் சினிமாவில் இன்று முன்னணி நடிகர்களாக இருக்கும் அஜித், விஜய், கமல் போன்றவர்கள் வெற்றி படங்களை கொடுத்துள்ளதால் சூப்பர்ஸ்டார் ரஜினி வெற்றி படத்தை கொடுத்தே ஆக வேண்டும் என்ற சூழ்நிலைக்கு தள்ளப்பட்டுள்ளார்.

இதனால் நெல்சன் உடன் கைகோர்த்து ஜெயிலர் படத்தில் நடித்துள்ளார். ஜெயிலர் படம் வருகின்ற ஆகஸ்ட் 10 ஆம் தேதி கோலாகலமாக திரையரங்குகளில் வெளியாக இருக்கிறது. படத்தில் சூப்பர் ஸ்டாருடன் இணைந்து தமன்னா, சிவராஜ்குமார், மோகன்லால், விநாயகன், வசந்த ரவி, ரம்யா கிருஷ்ணன், யோகி பாபு என பல நட்சத்திர பட்டாளமே நடித்து உள்ளது.

ஜெயிலர் படம் மிகப்பெரிய ஒரு ஆக்சன் பேக் படமாக உருவாகியுள்ளது. படத்தின் படப்பிடிப்பு அனைத்தும் முடிந்ததை தொடர்ந்து தற்போது படத்தை பற்றிய அடுத்தடுத்த தகவல்கள் வெளிவந்து கொண்டே இருக்கின்றன. அந்த வகையில் காவாலா, ஹுக்கும் போன்ற பாடல்கள் வெளிவந்து..

படத்திற்கான எதிர்பார்ப்பை அதிகரித்தது அதை குறைய விடாமல் இசை வெளியீட்டு சிறப்பாக நடந்து முடிந்தது. இதில் ரஜினி சூப்பர் ஸ்டார் பட்டம் குறித்து குட்டி கதை சொல்லி சம்பவம் செய்தார். இதை தொடர்ந்து ரசிகர்கள் ஜெயிலர் படத்தின் டிரைலரை பெரிய அளவில் எதிர்நோக்கி காத்திருக்கின்றனர்.

அதற்கான அறிவிப்பு தற்போது வெளியாகி உள்ளது சன் பிக்சர்ஸ் தயாரிப்பு சைடுல இருந்து ஒரு தகவல் வெளியாகி உள்ளது அதாவது இன்று மாலை 6 மணிக்கு ஜெயிலர் படத்தின் டிரைலர் வெளியாகும் என கூறியுள்ளது. இதனை கேள்விப்பட்ட ரசிகர்கள் மரண வெயிட்டிங் என கூறிய கமெண்ட் அடித்து வருகின்றனர்.