மாநகரம் என்ற திரைப்படத்தின் மூலம் அறிமுகமாகி தற்போது உச்ச நட்சத்திரமாக விளங்குபவர் இயக்குனர் லோகேஷ் கனகராஜ். இவர் இயக்கத்தில் வெளியான கைதி, மாஸ்டர், விக்ரம், ஆகிய திரைப்படங்கள் மிகப்பெரிய அளவில் வெற்றி பெற்றது அதிலும் குறிப்பாக கடந்த ஆண்டு கமலஹாசன் நடிப்பில் லோகேஷ் கனகராஜ் இயக்கத்தில் வெளியான விக்ரம் திரைப்படம் தமிழ் சினிமாவை தலைகீழாக புரட்டிப் போட்டது என்று தான் சொல்ல வேண்டும்.
இதனை தொடர்ந்து தற்போது விஜய் நடிப்பில் உருவாகி வரும் லியோ திரைப்படத்தை இயக்கி வருகிறார் இந்த படத்தின் படப்பிடிப்பு தற்போது காஷ்மீரில் தொடங்கப்பட்டு வரும் நிலையில் அடுத்தடுத்த அப்டேட்டுகள் வெளியாகி கொண்டே இருக்கிறது. இதை தொடர்ந்து லியோ திரைப்படத்தின் டைட்டில் பிரமோ வீடியோ சமீபத்தில் வெளியான நிலையில் இந்த திரைப்படம் எல்சியு-வில் இணைகிறதா என்ற சந்தேகம் பலருக்கும் இருந்து வருகிறது.
ஆனால் ஒரு சிலர் இந்த படம் எல்சியு-வில் இணைகிறது என்றும் அதற்கான காரணத்தையும் கூறி வருகிறார்கள் அது மட்டுமல்லாமல் லியோ திரைப்படத்தின் டைட்டில் ப்ரோமோவில் பல சஸ்பென்சுகள் இருப்பதாக பல ஊடகங்களில் கூறி வருகின்றனர். இந்த நிலையில் நடிகர் சூப்பர் ஸ்டார் ரஜினிகாந்த் அவர்கள் இயக்குனர் லோகேஷ் கனகராஜ் அழைத்து பேசி இருக்கிறார்.
அது மட்டுமல்லாமல் தன்னுடைய அடுத்த படத்தை இயக்குனர் லோகேஷ் கனகராஜ் இடம் ஒப்படைத்திருப்பதாக தகவல் வெளியாகியிருக்கிறது. விக்ரம் படம் வெற்றியை தொடர்ந்து அடுத்தடுத்த படங்களை கையில் வைத்திருக்கும் இயக்குனர் லோகேஷ் கனகராஜ் லியோ படத்தை முடித்துவிட்டு விக்ரம் 3 மற்றும் கைது 2 ஆகிய படங்களை இயக்குவாரா இல்லை ரஜினியை வைத்து புதிதாக ஒரு படத்தை இயக்குவாரா என்று குழம்பி போய் இருக்கிறார்கள்.
அப்படி ரஜினி மற்றும் லோகேஷ் கனகராஜ் இணைந்தால் லியோ திரைப்படம் வெளியான பிறகு இவர்கள் இருவரும் இணையும் படத்தின் அப்டேட்டுகள் வெளியாகும் என்றும் கூறப்படுகிறது. விரைவில் இதுகுறித்து இயக்குனர் லோகேஷ் கனகராஜ் வெளியிட்டால் நன்றாக இருக்கும் என்று ரசிகர்கள் கூறி வருகின்றனர்.
