நடிகர் சூர்யா தமிழ் சினிமாவில் முன்னணி நடிகர்களில் ஒருவராக வலம் வந்து கொண்டு இருக்கிறார். இவர் நடிகை ஜோதிகாவை திருமணம் செய்து கொண்டு பல வருடங்களாக குடும்ப வாழ்க்கையையும் சிறப்பாக நடத்தி வருகின்ற நிலையில் ஜோதிகாவும் சினிமாவில் சிறந்த கதைகளம் வரும் படங்களில் நடித்து வருகிறார் என்பது குறிப்பிடத்தக்கது.
இந்த நிலையில் சூர்யா மற்றும் அபர்ணா பால முரளி நடிப்பில் வெளிவந்த சூரறை போற்று திரைப்படத்தை சுதா கொங்கரா இயக்கியிருந்தார். இந்த படம் அண்மையில் பல விருதுகளை வாங்கியது அதில் சிறந்த படத்திற்கான விருது மற்றும் சிறந்த நடிகருக்கான விருது சூர்யாவிற்கு அறிவிக்கப்பட்டிருந்தது அதைத்தொடர்ந்து சிறந்த கதை என பல விருதுகளை படம் தட்டிச் சென்றது.
இதனால் சூரறை போற்று பட குழு மிகுந்த சந்தோஷத்தில் கேக் வெட்டி எல்லாம் கொண்டாடியது. சூர்யாவை வைத்து படம் எடுக்க பல இயக்குனர்களும் போட்டி போட்டு வருகின்றனர். அதன்படி சூர்யாவும் பல படங்களில் கமிட் ஆகியும் வருகிறார் அப்படி முதல் படமாக இயக்குனர் பாலாவுடன் கைகோர்த்து வணங்கான் என்னும் திரைப்படத்தில் நடித்து வருகிறார். மேலும் வெற்றிமாறனுடன் இணைந்து வாடிவாசல் என்னும் திரைப்படத்திலும் நடிக்க உள்ளார்.
இந்த படத்தை தொடர்ந்து அடுத்து இயக்குனர் சிறுத்தை சிவாவுடன் ஒரு படத்திலும் இணையுள்ளார். அண்மையில் சுதா கொங்கராவுடன் மீண்டும் ஒருமுறை இணைந்து ஒரு படத்தில் நடிக்க உள்ளதாகவும் சில தகவல்கள் கசிந்தது. இப்படி தொடர்ந்து அடுத்தடுத்த படங்களில் கமிட் ஆகி வரும் சூர்யா அடுத்து பாலிவுட்டிலும் கால் தடம் பதிக்க உள்ளார் எனவும் கூறப்படுகிறது.
பாலிவுட் பிரபல இயக்குனர் faruk kabir சூர்யாவின் அடுத்த படத்தை இயக்கு உள்ளதாக கூறப்படுகிறது. ஆனால் இந்த படம் ஹிந்தியில் எடுக்கப்பட உள்ளதா அல்லது ஹிந்தி மற்றும் தமிழ் ஆகிய இரு மொழிகளிலும் உருவாகுமா என்பது தெரியவில்லை. அப்படி faruk kabir உடன் இணைந்து ஹிந்தியில் இந்த படத்தை எடுத்தால் சூர்யாவிற்கு பாலிவுட்டில் மிகப்பெரிய ஒரு இடம் கிடைக்கும் என சூர்யா ரசிகர்கள் சொல்லி புகழ்ந்து வருகின்றனர்