Actor Vijay: நடிகர் விஜய் விளம்பரத்தில் நடித்த பிறகு தான் எனக்கு பட வாய்ப்புகள் கிடைத்தது என தமிழ் சினிமாவின் பிரபல இயக்குனர் வெங்கட் பிரபு கூறி இருக்கும் தகவல் சோசியல் மீடியாவில் வைரலாகி வருகிறது. விக்னேஷ் கார்த்திக்கு இயக்கத்தில் ஜிவி பிரகாஷ் நடிப்பில் ‘அடியே’ என்ற திரைப்படம் உருவாகி இருக்கிறது. இந்த படத்தின் டிரைலர் இசை வெளியீட்டு விழா சமீபத்தில் சென்னையில் மிகவும் பிரம்மாண்டமாக நடைபெற்றது.
இயக்குனர் விக்னேஷ் கார்த்திக் இதற்கு முன்பு ஏண்டா தலையில என்ன வெக்கல, திட்டம் இரண்டு போன்ற திரைப்படங்களை இயக்கியுள்ளார். இந்நிலையில் தற்பொழுது விக்னேஷ் கார்த்தி ஜிவி பிரகாஷ் நடித்திருக்கும் நடித்திருக்கும் ‘அடியே’ படத்தினை உருவாக்கியுள்ளார். இந்த படத்தில் வெங்கட் பிரபு, கவுரி, மிர்சி விஜய் ஆகியோர்கள் முக்கிய கதாபாத்திரத்தில் நடித்துள்ளனர்.
மேலும் மாலி மற்றும் மன்வி மேக்கர்ஸ் இணைந்து தயாரிக்கும் அடியே படத்திற்கு ஜஸ்டின் பிரபாகரன் இசையமைத்துள்ளார். அடியே படத்தின் டிரைலர் வெளியீட்டு விழா சென்னையில் நடைபெற்றது. இதில் கலந்துக் கொண்டு பேசிய வெங்கட் பிரபு கூறியதாவது, உலக சினிமா வரலாற்றில் முதன்முறையாக நான் திரைப்பட இயக்குனர் கௌதம் வாசுதேவ் மேனனாக நடித்திருக்கிறேன்.
இயக்குனர் விக்னேஷ் கார்த்திக் கதை சொல்லும் போதே மிகவும் பிடித்திருந்தது வித்தியாசமாகவும் இருந்தது கௌதம் வாசுதேவ் மேனனாக நடித்திருக்கிறேன் என்றும் இன்னும் அவருக்கு தெரியாது அவர் கோபித்துக் கொள்ள மாட்டார் என்பதால் அவராக நடித்திருக்கிறேன். இந்த கதாபாத்திரத்திற்கு பின்னணி குரல் கொடுத்தது இயக்குனர் விக்னேஷ் கார்த்திக் அவர் பல குரல் வித்தகர்.
அடியே படத்தில் நான் இரண்டு கதாபாத்திரங்களில் நடித்திருந்தேன் ஒன்று விஞ்ஞானியாகவும் மற்றொன்று கௌதம் வாசுதேவ் மேனன் ஆகவும் நடித்திருக்கிறேன் இரண்டுமே சிரமமான கதாபாத்திரங்கள். அடியே படத்தில் நான் விஜய் சார் படத்தை இயக்கி விட்டதாக கதையில் வரும் இந்த விளம்பரம் வெளியான பிறகு தான் எனக்கு விஜய் படத்தை இயக்கும் வாய்ப்பு கிடைத்தது தயாரிப்பாளரை முதன்முதலாக அவரது வீட்டில் சந்திக்கும் போது எனக்கு தெய்வீக அனுபவம் தான் ஏற்பட்டது.
நான் இந்த படத்தில் நடிக்கும் பொழுது ஜி.வி பிரகாசுடன் தான் நடித்திருந்தேன் இதற்காக படப்பிடிப்பு தளத்தில் அவருடன் நெருங்கி பழகும் வாய்ப்பு கிடைத்தது. அப்பொழுது நான் அவரைப் பற்றிய பல புதிய விஷயங்களை தெரிந்து கொண்டேன் நல்ல மனதுக்காரர். எப்பொழுதும் சிரித்துக் கொண்டே இருப்பார் அவர் ஜோதிட கலையில் வித்தகராக இருக்கிறார். எனக்கு அவர் சொன்ன ஜோதிடம் பலித்தது ஜிவி பிரகாஷ் குமார் இந்த படத்தில் கடினமான எப்பொழுதும் குழப்பத்தில் இருக்கக்கூடிய கதாபாத்திரத்தில் நடித்திருக்கிறார்.
காட்சியில் குழப்பமான மனநிலையில் நடித்து முடித்தவுடன்.. ஓய்வு கிடைக்கும்பொழுது படப்பிடிப்பு தளத்திலேயே தொலைபேசி மூலம் இசை குறிப்புகள் குறித்து பேசுவார். பன்முகத்திறன் படைத்த கலைஞர். ஒளிப்பதிவாளர், இசையமைப்பாளர்.. உள்ளிட்ட படங்களில் பணியாற்றிய அனைவருக்கும் வாழ்த்துக்கள் என்று கூறியுள்ளார்.