தென்னிந்திய சினிமாவில் பிரபல இயக்குனராக பல வெற்றி படங்களை தந்து சினிமாவில் தனக்கென ஒரு அந்தஸ்தையும் ரசிகர்கள் மத்தியில் தனக்கென ஒரு இடத்தையும் பிடித்து பிரபலமடைந்தவர் இயக்குனர் கௌதம் மேனன். இவர் இயக்குனராக மட்டுமல்லாமல் போலீஸ் கதாபாத்திரம், வில்லன் கதாபாத்திரம் என பலவற்றிலும் நடித்து ஹீரோவாகவும் பிரபலமடைந்தார்.
பொதுவாக ஒபிரபல இயக்குனர் ஒரு முன்னணி நடிகருடன் இணைந்து நடித்தால் அந்த திரைப்படம் பிளாக்பஸ்டர் ஹிட் அடிக்கும் அந்த வகையில் கௌதம் மேனன் இந்திய சினிமாவில் முன்னணி நடிகராக வலம் வந்து கொண்டிருக்கும் அஜித்துடன் இணைந்து உருவாக்கிய திரைப்படம் தான் என்னை அறிந்தால்.
இத்திரைப்படம் ரசிகர்கள் மத்தியில் மாபெரும் வெற்றியைப் பெற்றது அந்த வகையில் வசூல் ரீதியாகவும் நல்ல வரவேற்பை பெற்றிருந்தது. இத்திரைப்படத்தில் திரிஷா, அருண் விஜய்,பார்வதி நாயர் என பல முன்னணி நட்சத்திரங்களும் நடித்திருந்தார்கள்.
இவ்வாறு வெற்றிபெற்ற இத்திரைப்படத்தை தெலுங்கில் ரீமேக் செய்ய உள்ளதாக தகவல் வெளிவந்துள்ளது. தெலுங்கு சினிமாவில் முன்னணி நடிகராக வலம் வந்து கொண்டிருப்பவர் நடிகர் சிரஞ்சீவி இவர் தற்பொழுது வெளிவரும் ரீமேக் படங்களில் அதிக ஆர்வம் காட்டி வருவதாக தெரிகிறது.
மலையாளத்தில் மோகன்லால் நடிப்பில் வெளிவந்த லூசிபர் திரைப்படம் தெலுங்கில் ரீமேக்காக உள்ளது. இத்திரைப்படத்தில் சிரஞ்சீவி தான் ஹீரோவாக நடிக்க உள்ளாராம். இதனைத் தொடர்ந்து வேதாளம் திரைப்படம் தெலுங்கில் ரீமேக்காக உள்ளது அதன் பிறகு தற்போது சிரஞ்சீவி ஆச்சார்யா திரைப்படத்திலும் நடித்து வருகிறார்.
இத்திரைப்படத்தின் படப்பிடிப்புகள் முடிந்ததும் அஜித் நடித்துள்ள என்னை அறிந்தால் திரைப்படத்தின் தெலுங்கு ரீமேக்கில் சிரஞ்சீவி நடிக்கவுள்ளதாக தகவல்கள் வெளிவந்துள்ளது. இத்திரைப்படத்தை சுஜித் என்பவர் இயக்கவுள்ளார். எனவே சுஜித்திடம் சிரஞ்சீவி தனக்கு ஏற்றாற்போல் கதையை கொஞ்சம் மாற்றி அமைக்குமாறு கூறி உள்ளார்.