தமிழ் சினிமா உலகில் வெறும் 4 படங்களை மட்டுமே இயக்கி இந்திய அளவில் பிரபலம் அடைந்து உள்ளார் லோகேஷ் கனகராஜ். இவர் இதுவரை மாநகரம், கைதி, மாஸ்டர் இப்போது உலகநாயகன் கமலஹாசனை வைத்து விக்ரம் என்ற படத்தையும் இயக்கி வெற்றி பெற்றுள்ளார்.
இந்த நான்கு படங்களுமே ரசிகர்களுக்கு பிடித்த படமாக இருந்தாலும் விக்ரம் திரைப்படம் தான் அதிக வசூலை அள்ளி அசத்தியது. இந்த திரைப்படம் தற்போது வரையுமே 350 கோடிக்கு மேல் வசூலித்துள்ளதாக கூறப்படுகிறது இன்னமும் இந்த திரைப்படத்தை மக்கள் மற்றும் ரசிகர்கள் கூட்டம் கூட்டமாக படத்தை பார்த்து வருவதால்..
நாளுக்கு நாள் இந்த படத்தின் வசூல் அதிகரித்துக்கொண்டே போகிறது இதனால் நிச்சயம் பாகுபலி கேஜிஎப் படங்களுக்கு நிகராக இந்த படம் வசூலிக்கும் என பலரும் கூறி வருகின்றனர். இந்த திரைப்படத்தை தொடர்ந்து லோகேஷ் கனகராஜ் தளபதி 67 மற்றும் தெலுங்கில் ஒரு படம் பண்ண உள்ளார் என தகவல்கள் வெளிவந்த வண்ணமே இருக்கிறது.
இதனால் லோகேஷ் கனகராஜின் சினிமா பயணம் உயர்ந்துகொண்டே இருக்கிறது தற்போது ஒரு படத்தை இயக்க சுமார் 12 கோடி அவர் சம்பளம் வாங்குவதாக கூறப்படுகிறது இப்படி இருக்கின்ற நிலையில் அண்மையில் தனியார் பேட்டி ஒன்றில் சில விஷயங்களை பகிர்ந்து கொண்டார்.
அதில் அவர் சொன்னது நான் தளபதி விஜய் நடிப்பில் வெளியாகி சூப்பர் ஹிட் அடித்த கில்லி படத்தை வெறிபிடித்து போய் பார்த்துள்ளேன். அதுவும் அந்த படத்தை 5 முறை பார்த்து உள்ளதாக தெரிவித்துள்ளார். இச்செய்தி தற்போது இணையதளத்தில் பகிரப்பட்டு வைரலாகி வருகிறது.