சூப்பர் ஸ்டார் ரஜினிகாந்த் கடைசியாக நடித்த அண்ணாத்த படத்தை தொடர்ந்து தற்போது தனது 169 ஆவது திரைப்படத்தில் நடிக்க மும்பரம் காட்டி வருகிறார். இந்த படத்தை பீஸ்ட், கோலமாவு கோகிலா, டாக்டர் போன்ற ஹிட் படங்களை கொடுத்த நெல்சன் இயக்க உள்ளார்.
இந்த படத்திற்கு ஜெயிலர் என பெயர் வைக்கப்பட்டுள்ளது இதைத்தொடர்ந்து படத்தின் கதாபாத்திரத்திற்கு தேவையான நடிகர் நடிகைகளை நெல்சன் தேர்வு செய்து வருகிறார். ரஜினி மற்றும் நெல்சன் கூட்டணியில் உருவாக உள்ள இந்த திரைப்படத்திற்கு பெரிய அளவில் எதிர்பார்ப்பு இருக்கின்றன. இந்த நிலையில் 2007 ஆம் ஆண்டு ரஜினி நடிப்பில் இயக்குனர் ஷங்கர் இயக்கத்தில் உருவாகி வெளிவந்த திரைப்படம் சிவாஜி.
இந்த படத்தை ஏவிஎம் நிறுவனம் தயாரித்திருந்தது. படத்தில் ரஜினியுடன் இணைந்து ஸ்ரேயா, விவேக், மணிவண்ணன் போன்ற முக்கிய நட்சத்திர பட்டாளங்கள் நடித்திருந்தனர். படம் அப்போது வெளியாகி சூப்பர் டூப்பர் ஹிட் அடித்து நல்ல வசூலை அள்ளியது என்பது குறிப்பிடத்தக்கது. சிவாஜி படத்தின் வெற்றியை தொடர்ந்து ஷங்கர் மற்றும் ரஜினி கூட்டணியில் எந்திரன், 2.0 போன்ற படங்கள் உருவாகியது.
இந்த படங்களும் எதிர்பாராத அளவு நல்ல விமர்சனங்களை பெற்று அதிக அளவு வசூலை அள்ளியது. இப்படி இருக்கின்ற நிலையில் ரஜினியின் சிவாஜி திரைப்படம் வெளியாகி 15 ஆண்டுகள் நிறைவு பெற்றது. அதனை கொண்டாடும் வகையில் இந்த படத்தை தயாரித்த தயாரிப்பு நிறுவனம் சில புகைப்படங்களை சோசியல் மீடியாவில் வெளியிட்டு வந்தன.
அந்த புகைப்படங்களும் ரஜினி ரசிகர்கள் மத்தியில் வைரல் ஆகியது. இந்த நிலையில் சிவாஜி படத்தில் நடிப்பதற்காக ரஜினி வாங்கிய சம்பளம் குறித்து தகவல் வெளிவந்துள்ளது. அதன்படி பார்க்கையில் இந்த படத்திற்கு அப்போதே ரஜினி 18 கோடி சம்பளம் வாங்கினாராம். ஆனால் அட்வான்ஸ் ஆக முதலில் ஆயிரம் மட்டும் வாங்கி இருந்தார் என கூறப்படுகிறது.