தமிழ் சின்னத்திரையில் ஒளிபரப்பாகி வரும் அனைத்து சீரியல்களுக்கும் ரசிகர்கள் மத்தியில் நல்ல வரவேற்பு கிடைத்து வரும் நிலையில் வாரம் தோறும் டிஆர்பி ரேட்டிங் வெளியாகுவது வழக்கமாக இருந்த வருகிறது. அப்படி இந்த வாரத்திற்கான டிஆர்பி ரேட்டிங்கில் எந்த தொலைக்காட்சியின் சீரியல்கள் அதிகம் இடம் பிடித்திருக்கிறது என்பது பற்றி பார்க்கலாம்.
சன் டிவியில் அண்ணன் தங்கையின் பாச உறவினை மையமாக வைத்து ஒளிபரப்பாகி வரும் வானத்தைப்போல சீரியல் 5வது இடத்தினை பிடித்திருக்கிறது. ஒரே கதையை வைத்து உருட்டி வருவதனால் ரசிகர்கள் எப்பொழுது முடிப்பீர்கள் என கேள்வி எழுப்பி வருகிறார்கள். அடுத்ததாக கலெக்டராக வேண்டும் என நினைத்து வரும் சுந்தரி பல தடைகளை எதிர்த்து போராடி வரும் நிலையில் இந்த சுந்தரி சீரியல் 4வது இடத்தை பிடித்திருக்கிறது.
அடுத்ததாக குடும்ப இல்லத்தரசிகள் மிகவும் விரும்பி பார்த்து வரும் பாக்கியலட்சுமி சீரியல் 3வது இடத்தினை பெற்றிருக்கும் நிலையில் இந்த சீரியலில் கோபியின் கேரக்டர் ரசிகர்களை வெகுவாக கவர்ந்திருக்கிறது. தற்பொழுது பாக்கியா கோபியின் வீட்டை மொத்த பணத்தையும் கொடுத்து வாங்கி இருக்கும் நிலையில் இதனால் குடித்துவிட்டு கலாட்டா செய்கிறார்.
அடுத்ததாக துணிச்சலுடன் யாருடைய உதவியும் இல்லாமல் தனது மொத்த குடும்பத்தையும் பார்த்து வரும் கயல் சீரியல் 2வது இடத்தை பிடித்து மக்களின் ஃபேவரிட் சீரியலாக உள்ளது. இவ்வாறு தமிழ் சின்னத்திரையில் ஒளிபரப்பாகி வரும் சீரியல்களில் முதல் இடத்தை பிடித்திருப்பது தான் எதிர்நீச்சல்.
சுவாரசியமான கதை அம்சத்துடன் ஒளிபரப்பாகி வரும் இந்த சீரியலுக்கு மக்கள் மத்தியில் மிகப்பெரிய வரவேற்பு கிடைத்து வருகிறது அப்படி இந்த சீரியலில் இடம் பெறும் வசனமும், கதாபாத்திரங்களும் உண்மையில் பலருடைய வாழ்வில் நடக்கும் சம்பவங்களை மையமாக வைத்து ஒளிபரப்பாகி வருவதால் டிஆர்பி ரேட்டிங்கில் சக்கை போடு போட்டு வருகிறது.