தமிழ் சினிமாவில் முன்னணி நடிகர்களில் ஒருவராக திகழ்ந்து வருபவர் நடிகர் சூர்யா. இவர் நடிப்பில் கடந்த ஆண்டு OTT தளத்தில் வெளியான ஜெய் பீம் திரைப்படம் மக்கள் மத்தியில் ஒரு மிகப்பெரிய தாக்கத்தை ஏற்படுத்தியுள்ள திரைப்படம் என்று தான் சொல்ல வேண்டும்.
அந்த அளவிற்கு உண்மை சம்பவத்தை கதை ஆக்கியுள்ளார் இயக்குனர் டி ஜே ஞானவேலு. இந்த படம் இருளர் சமூகத்தை சார்ந்த மக்களின் உண்மை கதையாக இந்த படம் உருவாகியுள்ளது. இதில் நடிகர் சூர்யா அவர்கள் பழங்குடியினருக்காக வாதாடும் வக்கீல் கதாபாத்திரத்தில் நடித்துள்ளார்.
இந்த படத்தில் நடிச்சதற்காக நடிகர் சூர்யாவிற்கு உலக அளவில் அங்கீகாரம் கிடைத்தது. அதிலும் ஆஸ்கர் விருதுக்கான போட்டியில் கூட இறுதி வரை முன்னேறி நூலிழையில் இந்த வாய்ப்பு பறிபோனது. இப்படி ஆஸ்கர் வரை சென்ற ஜெய் பீம் திரைப்படத்திற்கு ஒரு சைமா விருது கூட வழங்காதது மிகப்பெரிய அளவில் சர்ச்சையை கிளப்பி உள்ளது.
அதுமட்டுமின்றி இப்படத்தில் முக்கிய கதாபாத்திரத்தில் நடித்த மணிகண்டன் மற்றும் லிஜோமோல் ஆகியோருக்கும் சைமா விருது விழாவில் ஒரு விருது கூட வழங்கப்படவில்லை இதனால் சமூக வலைதளத்தில் கமெண்டுகள் குவிந்து வருகின்றனர்.
தமிழ், தெலுங்கு, மலையாளம், கன்னடம் ஆகிய மொழிகளில் வெளியாகும் படங்கள் அங்கீகரிக்கும் வகையில் சைமா விருதுகள் ஆண்டுதோறும் வழங்கப்படுகிறது அந்த வகையில் இந்த ஆண்டுக்கான சைமா விருது வழங்கும் விழா பெங்களூரில் கடந்த இரண்டு நாட்களாக பிரம்மாண்டமாக நடைபெற்று வந்துள்ளது இதில் ஏராளமான திரையுலக பிரபலங்கள் கலந்து கொண்டனர்.
குறிப்பாக தமிழ் மற்றும் மலையாள படங்களுக்கான விருதுகள் நேற்று வழங்கப்பட்டன இதில் கடந்த ஆண்டு வெளியான டாக்டர், சார்பட்டா பரம்பரை, மாநாடு, மாஸ்டர் ஆகிய படங்களுக்கு அதிக அளவில் விருதுகள் வழங்கப்பட்டது. இருப்பினும் நடிகர் சூர்யா நடிப்பில் கடந்த ஆண்டு தீபாவளிக்கு OTTயில் வெளியான ஜெய் பீம் படத்துக்கு ஒரு விருது கூட வழங்காதது ரசிகர் இடையே பெரும் தாக்கத்தை ஏற்படுத்தியுள்ளது அது மட்டுமல்லாமல் ரசிகர்கள் கமெண்ட் பாகத்தில் கண்டமேனிக்கு திட்டி தீர்த்து வருகின்றனர்.