Ethirneechal serial: சன் டிவியில் ஒளிபரப்பாகி வரும் முக்கியமான சீரியலான எதிர்நீச்சல் சீரியலில் ஜீவானந்தம் குறித்த அனைத்து உண்மைகளும் ஜனனிக்கு தெரிய வர இதனை நினைத்து கதறி அழுகிறார். அதாவது அப்பத்தாவின் சொத்தை ஜீவானந்தம் தன்னுடைய பெயரில் எழுதிக் கொண்டதால் அனைவரும் ஜீவானந்தம் கெட்டவர் என நினைத்து வந்தார்கள்.
எனவே குணசேகரன் எப்படியாவது சொத்தை தன்னுடைய பெயரில் எழுதி வாங்க வேண்டும் என்பதற்காக ஜீவானந்தத்தை தீர்த்துக்கட்ட கதிருடன் ஆட்களை அனுப்பி வைத்திருந்தார். அதேபோல் ஜனனியும் ஜீவானந்தத்தை தேடி அவருடைய சொந்த கிராமத்திற்கு சென்று இருந்தார்.
இந்த நேரத்தில் ஜீவானந்தம் தனது மனைவி மற்றும் மகளை பார்ப்பதற்காக தனது வீட்டிற்கு வர இது தெரிந்து கொண்ட கதிர் அடியாட்களுடன் ஜீவானந்தம் வீட்டிற்கு சென்று கொலை செய்ய முயற்சிக்கிறார். இந்த சண்டை நடைபெற்றுக் கொண்டிருக்கும் பொழுது ஜனனியும் அந்த இடத்திற்கு சென்று விடுகிறார்.
பிறகு ஜீவானந்தத்துடன் இணைந்து ஜனனி அடியாட்களுடன் சண்டை போட இந்த நேரத்தில் ரவுடி ஒருவன் ஜீவானந்தத்தின் மனைவியை சுட இதனால் அவர் இறந்து விடுகிறார். பிறகு ஜீவானந்தம் தனது மகளுடன் மனைவியின் இறுதிச் சடங்கை முடிக்கிறார்.
இவ்வாறு ஜனனி ஜீவானந்தம் நல்லவர் என்பதை உணர்ந்து வீட்டிருக்கு கிளம்புகிறார். அப்படி தற்பொழுது வெளியாகி இருக்கும் ப்ரோமோவில் ஜனனி மிகவும் சோகமாக வீட்டிற்கு வர வெளியில் அமர்ந்திருந்த நந்தினி, ரேணுகா, சக்தி, ஈஸ்வரி என அனைவரும் பார்த்து பேசுகின்றனர்.
ஜனனி அனைத்து உண்மைகளையும் கூறிய பிறகு நந்தினி ஏன் இவ்வளவு நல்லது பண்றவர் அவருடைய பெயரில் சொத்தை மாத்தி எழுதிக்கணும் என கேட்க அதற்கு ஜனனி ஏதோ காரணம் இருக்கு அக்கா. ஜீவானந்தத்துக்கு இப்படி ஒரு பக்கம் இருக்கும்னு எனக்கு தெரியவே இல்ல அக்கா அவரை சுட வந்தவங்க அவங்க மனைவியை சுட்டுட்டாங்க என அழுக இதனை எல்லாம் கேட்டு விட்டு ஈஸ்வரியும் வாயில் கையை வைத்துக்கொண்டு அழுகிறார். பிறகு சக்தி, ரேணுகா என்று அனைவரும் அதிர்ச்சடைகின்றனர் இதோடு ப்ரோமோ நிறைவடைகிறது.