Ethirneechal Serial: சன் டிவியில் ஒளிபரப்பாகி வரும் ஏராளமான சீரியல்களுக்கு ரசிகர்கள் மத்தியில் நல்ல வரவேற்பு கிடைத்து வரும் நிலையில் சமீப காலங்களாக மிகவும் விறுவிறுப்பாக ஒளிபரப்பாகி வரும் சீரியல் தான் எதிர்நீச்சல். இந்த சீரியலில் ஆதி குணசேகரன் நடித்து வந்த மாரிமுத்து சில நாட்களுக்கு முன்பு உயிர் இழந்ததால் விரைவில் குணசேகரன் கேரக்டருக்கு புதிய நடிகர் அறிமுகமாக இருக்கிறார். அவர் குறித்த எபிசோடுகள் ஒளிபரப்பாகி வருகிறது.
அதாவது ஈஸ்வரி, தர்ஷன் இருவரும் ஜீவானந்தத்தை பார்த்துவிட்டு புதிய பைக் ஒன்றை வாங்குகின்றனர். இருவரும் பைக்கில் வீட்டிற்கு வர இதனைப் பார்த்த ஞானம், கதிர் இருவரும் சண்டை போடுகிறார்கள். இந்தப் பிரச்சனை முடிந்த பிறகு தர்ஷன், தர்ஷினி இருவரும் தனியாக பேசிக் கொண்டிருக்கிறார்கள். அப்பொழுது தர்ஷனிடம் தர்ஷினி ஜீவானந்தம் போல் நமக்கு அப்பா கிடைத்திருந்தால் நல்லா இருந்திருக்கும் என்று கூறிக் கொண்டிருக்கும் பொழுதே கதிர் இதனை காதில் வாங்கி விடுகிறார்.
எனவே தர்ஷனை அடிக்க செல்ல பிறகு ஈஸ்வரி இந்த பிரச்சினையை தடுத்து நிறுத்துகிறார். எங்களுக்கு தோன்றத்த பேசுறதுக்கு எல்லா சுதந்திரமும் இருக்கு அதை நீ கேட்காத என்று கூறுகிறார். இதனை எல்லாம் குணசேகரன் கேட்டுக் கொண்டிருந்த நிலையில் கடிதம் ஒன்றை எழுதி வைத்துவிட்டு கிளம்பு விடுகிறார்.
எனவே குடும்பமே குணசேகரன் கிளம்பி விட்டதால் அதிர்ச்சியில் உள்ளது. இந்நிலையில் தற்பொழுது வெளியாகி இருக்கும் ப்ரோமோவில் அனைவரும் நின்று கொண்டிருக்க நந்தினி இது என்ன புதுசா வா பண்றாரு அடிக்கடி டிராமா தான் பண்ணிக்கிட்டு இருக்காரே என சொல்கிறார்.
இதற்கு அப்பத்தா இந்த முறையும் குணசேகரன் மறுபடியும் வருவான் ஆனால் வரப்போற குணசேகரன் ரொம்ப ஆபத்தான ஆளா வரப்போறா என்று கூற இந்த நேரத்தில் ஜான்சி ராணி வருகிறார். விசாலாட்சி இங்கேயே இருக்குமாறு கூற உடனே நந்தினி கண்டதையும் கொண்டுட்டு வந்து வீட்ல வைக்கிறேன்னு சொல்றீங்க என்று சொல்ல அதற்கு விசாலாட்சி கண்டவங்கள கூட கூத்தடிச்சிகிட்டு தான் என் மகனை தொலைச்சிட்டு இருக்கிறேன் என்று கண்கலங்க மருமகள்கள் அதிர்ச்சடைகின்றனர்.