Ethirneechal serial: சன் டிவியில் ஒளிபரப்பாகி வரும் அனைத்து சீரியல்களுக்கும் ரசிகர்கள் மத்தியில் நல்ல வரவேற்பு கிடைத்து வரும் நிலையில் பல திருப்பங்களுடன் ஒளிபரப்பாகி வரும் முக்கியமான சீரியல் தான் எதிர்நீச்சல். இந்த சீரியல் அப்பத்தாவின் 40% சொத்தை ஆட்டைய போட வேண்டும் என குணசேகரன் நினைத்து வந்தார்.
ஆனால் இதற்கு ட்விஸ்ட் வைக்கும் வகையில் 40% சொத்தை ஜீவானந்தம் தனது பெயரில் எழுதிக்கொண்டார் எனவே ஜீவானந்தத்திடமிருந்து எப்படியாவது அப்பத்தாவின் 40% சொத்தை பெற வேண்டும் என்பதற்காக குணசேகரனின் குடும்பத்தில் இருப்பவர்கள் அனைவரும் போராடி வருகிறார்கள்.
அப்படி ஈஸ்வரியும் இதற்காக முயற்சி செய்த நிலையில் ஜீவானந்தம் என்பவர் தான் கல்லூரியில் காதலித்த நபர் என்பது தெரிய வந்திருக்கிறது. இவ்வாறு போய்க் கொண்டிருக்க ஜீவானந்தத்தை பற்றி தெரிந்து கொள்வதற்காக கிராமத்திற்கு ஜனனி சென்று அங்கு பெரியவரின் உதவியுடன் ஜீவானந்தத்தை சந்திக்க உள்ளார்.
அதேபோல் குணசேகரன் அடியாட்களுடன் கதிரை ஜீவானந்தத்தை தீர்த்து கட்ட வேண்டும் என்பதற்காக அனுப்பி வைத்துள்ளார். இந்த நேரத்தில் கிராமத்தில் ஜீவானந்தம் வருவதை தெரிந்து கொண்ட கதிர் காட்டில் அடியாட்களுடன் காத்துக் கொண்டிருக்கிறார். ஜீவானந்தமும் தனியாக நடந்து வருகிறார் அதேபோல் பெரியவரின் உதவியுடன் ஜனனியும் செல்கிறார்.
இவ்வாறு போய்க் கொண்டிருக்கும் நிலையில் தற்போது வெளியாகி இருக்கும் ப்ரோமோவில் ஜனனி தனியாக ஜீவானந்தத்தை தேடி நடந்து செல்ல மறுபுறம் அப்பத்தா கண் முழித்து வீட்டில் அமர்ந்திருக்கிறார். அவரை சுற்றி அனைவரும் உட்கார்ந்திருக்க நந்தினி ஈஸ்வரியை வேகமாக அழைக்க ஈஸ்வரி, சக்தி பதட்டத்துடன் வெளியில் வருகிறார்கள்.
அப்பொழுது ஈஸ்வரி என்ன நந்தினி என கேட்க அப்பத்தா கண்ணு முழிச்சுட்டாங்க வாங்க என கூப்பிடுகிறார். பிறகு குணசேகரன் மகாராச மாதிரி வாழ்ந்த மதுரையில் என்ன பித்துக்குளி மாதிரி மாத்திட்ட இந்த ஒத்த கை வீணா போச்சு எல்லாம் உன்னால தான் எனக் கூறி அதட்ட சும்மா பொய் சொல்லிட்டு திரியாதீங்க என ரேணுகா கூறுகிறார். என்ன பொய்யா என்று குணசேகரன் எழுந்து அடிக்க சொல்ல கரிகாலன் தடுக்கிறார் இதோடு ப்ரோமோ நிறைவடைகிறது.