Ethirneechal serial: சன் டிவி ஒளிபரப்பாகி வரும் எதிர்நீச்சல் சீரியலுக்கு ரசிகர்கள் மத்தியில் நல்ல வரவேற்பு கிடைத்து வரும் நிலையில் தற்போது ஜீவானந்தத்தை பற்றி தெரிந்து கொள்வதற்காக குடும்பத்தில் இருப்பவர்கள் அனைவரும் தேடி கொண்டிருக்கின்றனர். அப்படி குணசேகரன் கதிரின் துணை உடன் சென்னை வந்திருக்கும் நிலையில் அதே போல் சக்தி, ஜனனி இருவரும் ஒருபுறம் தேடி வருகிறார்கள்.
குணசேகரன் அப்பத்தாவின் 40% சொத்தை எப்படியாவது தனது பெயரில் எழுதிக் கொள்ள வேண்டும் என பல முயற்சிகளை செய்து வந்தார். ஆனால் எதுவுமே நடக்காமல் போனது ஒரு கட்டத்தில் அப்பத்தாவின் கையில் இருந்து யாரோ கைரேகை எடுத்திருந்தனர் அது குணசேகரன் தான் என ஜனனி நினைத்து வந்தார்.
ஆனால் தற்பொழுது ஜீவானந்தம் தான் அப்படி செய்துள்ளார் என்பது அனைவருக்கும் வெட்ட வெளிச்சமாகி இருக்கிறது. இப்படிப்பட்ட நிலையில் உடம்பு சரியில்லாதது போல் குணசேகரன் பெரிய ட்ராமா ஒன்றை நடத்தினார். இது உண்மையென நினைத்து குணசேகரனுக்கு உதவ வேண்டும் என மருமகள்களும் நினைத்து வந்தார்கள்.
இவ்வாறு போய்க் கொண்டிருக்கும் நிலையில் தற்போது வெளியாகி இருக்கும் ப்ரோமோவில் ஆதிரை தன்னுடைய குடும்பத்தினருக்கு தெரியாமல் அருண் வீட்டிற்கு செல்கிறார். அங்கு அருணை பார்க்க வேண்டும் என ஆதிரை கதற ஒரு கட்டத்தில் அவருடைய அம்மா இதற்கு அனுமதிக்கிறார்.
ஆதிரையை பார்க்க விருப்பம் இல்லாத அருண் ஆதிரை என்ற ஒரு பெண் என்னுடைய வாழ்க்கையில் இல்லை என்று கூறுங்கள் என்று சொல்லிவிட்டு கிளம்பி விட இதனால் ஆதிரை அதிர்ச்சி அடைகிறார். மறுபுறம் குணசேகரனை என்னப்பா கைய மேல எல்லாம் தூக்குற என்று கேட்க அதுல அப்பப்ப மேல வரும் சார் கையில எல்லாம் ஏதும் பிரச்சனை இல்லை எல்லாம் நடிப்பு சார் அதற்கு ஒரு காரணம் இருக்கு என்று கூறுகிறார் இதோடு ப்ரோமோ நிறைவடைகிறது.
