Ethirneechal serial: சன் டிவியில் ஒளிபரப்பாகி வரும் எதிர்நீச்சல் சீரியலுக்கு ரசிகர்கள் மத்தியில் நல்ல வரவேற்பு கிடைத்துவரும் நிலையில் தற்பொழுது குடும்பத்தினர்களிடம் கதிர் குணசேகரன் கையும் களவுமாக சிக்கி உள்ளனர்.
அதாவது அப்பத்தாவின் 40% சொத்தை ஜீவானந்தம் தன்னுடைய பெயரில் எழுதிக் கொண்டதால் அதனை கைப்பற்ற வேண்டும் என்பதற்காக குணசேகரன் குடும்பத்தில் இருப்பவர்கள் அனைவரும் போராடி வருகின்றனர். அப்படி ஜீவானந்தத்தை தீர்த்து கட்ட குணசேகரன் கதிருடன் ரவுடிகளை அனுப்பி வைக்கிறார்.
அப்பொழுது ஜீவானந்தம் தனது சொந்த கிராமத்திற்கு வந்து மனைவி மற்றும் மகளை பார்க்கிறார். இதனை தெரிந்துக்கொண்ட ஜீவானந்தம் வீட்டிற்கு அடியாட்களுடன் வந்த கதிர் ரவுடியை சுடுமாறு கூற அந்த ரவுடி தெரியாது தனமாக ஜீவானந்தத்தின் மனைவியை கொன்று விடுகிறார்.
இந்த சம்பவம் நடந்த இடத்தில் ஜனனியும் இருந்த நிலையில் இந்த வேலையை செய்திருப்பார்கள் என்பது புரியாத புதிராகவே இருந்து வந்தது. ஆனால் ஜீவானந்தம் நல்லவன் என்பதை ஜனனி புரிந்து கொண்ட நிலையில் அப்பத்தா, ஜனனி இருவரும் ஜீவானந்ததுடன் இணைந்து குணசேகரனுக்கு எதிராக போராட இருக்கின்றனர்.
அப்படி தற்பொழுது வெளியாகி இருக்கும் ப்ரோமோவில் கதிர் போனுக்கு அந்த ரவுடி போன் போட ஆனால் கதிர் அங்கு இல்லாத காரணத்தினால் சக்தி போனை எடுக்கிறார். இதற்கு இடையே ஞானம், குணசேகரன் மற்றும் இரண்டு ஆடிட்டர்கள் என நான்கு பேரும் காரில் சென்று கொண்டிருக்க ஞானம் இப்ப என்ன சார் பண்றது என்று கேட்கிறார்.
அதற்கு அந்த ஆடிட்டர் அவங்க ரெண்டு பேரையும் அவ்ளோ சீக்கிரத்துல ஒன்னும் பண்ண முடியாது என சொல்ல ஞானம் வண்டியை ஓரமா நிப்பாட்டு என்று குணசேகரன் கூறுகிறார். இதனை அடுத்து சக்தி கதிரின் போனை எடுத்து ஹலோனு சொல்ல அந்த ரவுடி ஏய் கதிரு உங்களோட பேச்சைக் கேட்டுக்கிட்டு ஜீவானந்தத்தை சுட்டேனா இல்லையா பிளான் மிஸ் ஆகி அவன் பொண்டாட்டி செத்துப் போயிட்டா என்று கூற ஜனனி, ரேணுகா, ஈஸ்வரி மற்றும் நந்தினி, சக்தி என அனைவரும் அதிர்ச்சி அடைகிறார்கள்.