Ethirneechal Gunasekaran : சன் தொலைக்காட்சியில் பிரபலமாக ஒளிபரப்பப்பட்டு வரும் சீரியல்களில் எதிர்நீச்சல் சீரியல் மிக முக்கிய இடத்தை பிடித்துள்ளது. இந்த சீரியலை கோலங்கள், திருமதி செல்வம், நாதஸ்வரம் என்ற தரமான சீரியலை இயக்கி மக்கள் மனதில் மிகப்பெரிய இடத்தை பிடித்தவர் திருச்செல்வம், அப்படி இருக்கும் நிலையில் தற்பொழுது எதிர்நீச்சல் என்ற தொடரை இயக்கி வருகிறார்.
எதிர்நீச்சல் சீரியல் சன் தொலைக்காட்சியில் இரவு 9.30 மணிக்கு ஒளிபரப்பப்படுகிறது, பெண்கள் அடிமைத்தனத்தையும் ஆணாதிக்கத்தையும் அடிப்படையாக வைத்து இந்த சீரியல் ஒளிபரப்பப்பட்டு வருகிறது. எதிர்நீச்சல் சீரியலில் மிக முக்கிய கதாபாத்திரத்தில் நடித்து வருபவர் மாரிமுத்து. இவர் எதிர்நீச்சல் சீரியலில் இல்லை என்றால் டிஆர்பி யில் மிகப்பெரிய அடி வாங்கும் என்பது அனைவருக்கும் தெரிந்த ஒன்றுதான்.
ஏனென்றால் எதிர்நீச்சல் சீரியல் மக்கள் மனதில் நல்ல வரவேற்பு பெறுவதற்கு காரணம் மாரிமுத்து அவர்களும் ஒருவர், சமீபத்தில் இந்த சீரியலில் ஆதிரைக்கு கட்டாய கல்யாணம் நடைபெற்றது இதனை மக்கள் இதுவரை ஏற்றுக் கொள்ளவில்லை. ஆனால் அதற்குள் எதிர்நீச்சல் சீரியலில் சொத்து பிரச்சனை வந்துள்ளது.
குணசேகரன் தற்போது ஜீவானந்தம் மீது கடும் கோபத்தில் இருக்கிறார் இதனால் சீரியலில் இனி என்ன நடக்கப் போவது என்பதை காண மக்கள் ஆவலுடன் காத்துக் கொண்டிருக்கிறார். ஒவ்வொரு நாளும் இந்த சீரியலின் ப்ரோமோ வீடியோ வெளியாகிறது அப்படி தான் தற்பொழுது ஒரு புரோமோ வீடியோ வெளியாகி உள்ளது அதில் குணசேகரனை ஜீவானந்தம் சுடுவது போல் கனவு காணுகிறார் இதனால் அலண்டு கத்துகிறார் குணசேகரன்.
இன்று குணசேகரனாக சீரியலில் ஜொலித்து வரும் மாரிமுத்து ஆரம்பத்தில் மணிரத்தினம், சீமான், எஸ் ஜே சூர்யா ஆகியோர்களுடன் உதவி இயக்குனராக பணியாற்றி வந்தார் ஒரு காலகட்டத்தில் 2008 ஆம் ஆண்டு கண்ணும் கண்ணும் என்ற திரைப்படத்தை இயக்கியதன் மூலம் இயக்குனராக அவதாரம் எடுத்தார்.
இந்த திரைப்படத்தை தொடர்ந்து புலிவால் என்ற திரைப்படத்தையும் இயக்கினார் மாரிமுத்து, ஆனால் இரண்டு திரைப்படங்களும் எதிர்பார்த்த வரவேற்பை பெறவில்லை பிறகு குணசத்திர வேடங்களில் நடிக்க ஆரம்பித்த மாரிமுத்து தற்போது சன் தொலைக்காட்சியில் எதிர்நீச்சல் சீரியலில் நடித்த வருகிறார் மேலும் ஜெயிலர், கங்குவா ஆகிய திரைப்படங்களிலும் நடித்துள்ளார்.