Ethirneechal serial: தமிழ் சின்னத்திரையில் முக்கிய தொலைக்காட்சியாக இருந்து வரும் சன் டிவி தொடர்ந்து பல ஹிட் சீரியல்களை கொடுத்து வருகிறது. அப்படி சன் டிவியின் சீரியல்கள் தான் டிஆர்பியிலும் கலக்கி கொண்டிருக்கிறது. அந்த வகையில் சன் டிவியில் ஒளிபரப்பாகி வரும் எதிர்நீச்சல் சீரியல் தொடர்ந்து டிஆர்பியில் முதல் இரண்டு இடங்களை பிடித்து ரசிகர்களின் ஃபேவரிட் சீரியலாக இருக்கிறது.
எதிர்நீச்சல் சீரியலை கோலங்கள் தொடரை இயக்கிய திருச்செல்வம் தான் இயக்கி வருகிறார். இந்த சீரியலில் ஜீவானந்தம் என்ற கதாபாத்திரத்தில் என்ட்ரி கொடுத்திருக்கும் நிலையில் தொடர்ந்து விறுவிறுப்பான கதையம்சத்துடன் ஒளிபரப்பாக தொடங்கி இருக்கிறது. சமீப காலங்களாக ஜீவானந்தம் யார் என்பது குறித்த முடிச்சுகளும் ஒவ்வொன்றாக அவுந்து வருகிறது.
அப்படி ஜீவானந்தம் அப்பத்தாவின் 40% சொத்தை தன்னுடைய பெயரில் எழுதிக் கொண்டு குணசேகரன் குடும்பத்தினர்களை படாத பாடு படுத்தி வருகிறார். இதனால் குணசேகரன் டம்மியாகி இருக்கும் நிலையில் மருமகள்கள் அனைவரும் போராடி வருகின்றனர் ஜீவானந்தத்தை சந்திப்பதற்காக ஜனனி வீட்டை விட்டு கிளம்பிவுள்ளார்.
இவ்வாறு போய்க் கொண்டிருக்கும் நிலையில் எப்பொழுது ஜீவானந்தம் கேரக்டர் இந்த சீரியலில் இருந்து விலக்கப்படும் என்பது குறித்து எதிர்நீச்சல் சீரியல் இயக்குனர் திருச்செல்வம் விளக்கம் அளித்துள்ளார். அவர் கூறியதாவது, ஜீவானந்தம் கேரக்டர் கொஞ்ச நாளைக்கு என்பது போன்று தான் தொடங்கப்பட்டது ஆனால் இப்பொழுது கதையின் முக்கியத்துவத்திற்கு தகுந்தது போல் கதை நகர்ந்து கொண்டிருக்கிறது.
இனி கதை எப்படி செல்கிறதோ, ரசிகர்கள் எந்த அளவிற்கு வரவேற்பு கொடுக்கிறார்களோ என்பதை பொறுத்தே கதாபாத்திரம் இருக்கும் ஆனால் மிகவும் அதிக நாட்கள் ஜீவானந்தம் கதாபாத்திரம் இருக்காது என கூறியுள்ளார். ஜீவானந்தம் கேரக்டரால் குணசேகரனின் நிலை மாறி அடங்கி ஒடுங்கி இருக்கப் போகிறார்.