தமிழ் சினிமாவில் தவிர்க்க முடியாத ஒரு நபராக வலம் வருபவர் நடிகர் அஜித்குமார் இவர் கடைசியாக விசுவாசம் நேர்கொண்டபார்வை திரைப்படத்தை தொடர்ந்து ரசிகர்கள் அஜித்தின் அடுத்த படம் எப்போது வரும் என காத்துக் கொண்டிருந்தனர்.
2 வருடங்கள் கழித்து ஒரு வழியாக அஜித்தின் வலிமை படம் நேற்று கோலாகலமாக வெளியாகியது. ரசிகர்களின் எதிர்பார்ப்பை ஒருவழியாக வலிமை திரைப்படம் நிறைவேற்றியது அவர்கள் எதிர்பார்த்தது போல ஆக்சன் சென்டிமெண்ட் காமெடி என அனைத்தும்.
இந்த படத்தில் இடம்பெற்றுள்ளதால் முதல் நாள் எப்படி ரசிகர்கள் கூட்டம் திரையரங்கை நாடி ஹவுஸ்புல் செய்தனரோ அதே போல அடுத்தடுத்த நாட்களிலும் இருக்கும் என கூறப்படுகிறது. இதனால் விநியோகஸ்தர்களும் திரையரங்க உரிமையாளர்களும் சந்தோஷத்தில் இருந்து வருகின்றனர்.
வலிமை திரைப்படம் தமிழ்நாட்டையும் தாண்டி இந்திய அளவில் கன்னடம், ஹிந்தி, தெலுங்கு ஆகிய மொழிகளிலும் வெளியாகி வெற்றி நடை கண்டு வருகிறது இதனால் வலிமை திரைப்படத்தின் முதல் நாள் வசூல் எவ்வளவு இருக்கும் என்பதை தெரிந்து கொள்ள சினிமா பிரபலங்கள் பலரும் முட்டி மோதினர்.
ஆனால் முதல் நாள் வசூல் இதுவரை வெளிவரவில்லை என்றாலும் சென்னையில் மட்டும் முதல் நாளில் வலிமை திரைப்படம் சுமார் 1.72 கோடி வசூல் செய்ததாக கூறப்படுகிறது. அஜித்தின் சினிமா பயணத்தில் சிறந்த ஓபனிங் படமாக தற்பொழுது இது அமைந்துள்ளது என்று தகவல் வெளியாகி உள்ளது. வலிமை திரைப்படம் சைலண்டாக வந்தாலும் மாஸ் காட்டி வருவதால் நிச்சயம் முதல் நாளில் பல்வேறு நடிகரின் படங்களின் வசூலை அடித்து நொறுக்கி உள்ளதாகவும் கூறப்படுகிறது.