Leo Movie Update: லியோ படத்தின் கிளைமாக்ஸ் காட்சியில் செம சம்பவம் இருப்பதாக லோகேஷ் கனகராஜ் கூறியிருக்கும் தகவல் சோசியல் மீடியாவில் வைரலாகி வருகிறது. லோகேஷ் கனகராஜ் இயக்கத்தில் விஜய் நடிப்பில் லியோ படம் வருகின்ற அக்டோபர் 19ஆம் தேதி அன்று திரையரங்குகளில் வெளியாக இருக்கிறது. இப்படத்தின் ரிலீஸ்க்கு இன்னும் ஐந்து நாட்கள் இருக்கும் நிலையில் ரசிகர்கள் மிகுந்த எதிர்பார்ப்புடன் காத்து வருகின்றனர்.
தற்பொழுது லியோ படத்தில் இறுதி கட்ட வேலைகள் நடைபெற்று வரும் நிலையில் தொடர்ந்து அப்டேட்டுகளும் வெளியாகி வருகிறது. கடைசியாக வெளியான விஜய்யின் வாரிசு கலவை விமர்சனத்தை பெற்றது. மேலும் ரசிகர்கள் தங்களது பழைய விஜய்யை பார்க்க வேண்டும் என மிகவும் ஆர்வமுடன் இருந்து வருகின்றனர்.
எனவே ஆக்சன், வசனம் போன்றவை விஜய் ரசிகர்களை பூர்த்தி செய்யுமா என்பதை இன்னும் ஐந்து நாட்களுக்குள் தெரிந்து கொள்ளலாம். இப்படத்தில் விஜய்யுடன் இணைந்து திரிஷா, சஞ்சய் தத், அர்ஜுன், கௌதம் வாசுதேவ் மேனன், சாண்டி, மிஷ்கின் உள்ளிட்ட ஏராளமான நட்சத்திர பட்டாளங்கள் இணைந்து நடித்துள்ளனர்.
தற்போது வரையிலும் படத்திலிருந்து வெளியான பாடல்கள், போஸ்டர்கள், ட்ரெய்லர் போன்றவை சோசியல் மீடியாவில் கொண்டாடப்பட்டு வந்தது. இவ்வாறு இப்படத்தின் ட்ரெய்லரில் இதுவரையிலும் டான்ஸ் மாஸ்டராகவே பார்த்து வாழ்ந்த சாண்டி மிரட்டலான சைக்கோவாக நடித்திருப்பது தெரியவந்துள்ளது.
இந்நிலையில் சமீப பேட்டியில் லோகேஷ் கனகராஜ் விஜய் ரசிகர்களுக்கு கிளைமாக்ஸ் காட்சியில் கடைசி 40 நிமிடத்தில் செம சப்ரைஸ் இருப்பதாக தெரிவித்தார். மேலும் இது விஜய் ரசிகர்களுக்கு ரொம்ப பிடிக்கும் ட்ரைலரில் கெட்ட வார்த்தை வந்ததால் அது பெரும் விமர்சனத்திற்கு உள்ளானது தற்பொழுது அது மியூட் செய்யப்பட்டுள்ளது என்றும் லோகேஷ் அந்த பேட்டியில் தெரிவித்துள்ளார்.