சினிமா உலகில் பல முன்னணி இயக்குனர்கள் சிறப்பாக தமிழ் சினிமாவில் ஜொலித்து வந்தாலும் தற்பொழுது தமிழில் பல இளம் இயக்குனர்களுக்கு வாய்ப்பு கொடுத்து அழகு பார்க்கின்றனர். அந்த வகையில் லோகேஷ் கனகராஜ், H வினோத், நெல்சன் திலிப்குமார், விக்னேஷ் சிவன் போன்ற பல இயக்குனர்களுக்கு தமிழ் சினிமாவில் அறிமுகமாகி தற்போது தொட முடியாத உச்சத்தை அடைந்து உள்ளனர்.
இதில் லோகேஷ் கனகராஜ் இயக்கத்தில் வெளிவந்த கைதி, மாஸ்டர் போன்ற சூப்பர் ஹிட் திரைப்படங்கள் மக்களிடையே நல்ல வரவேற்பைப் பெற்று மற்றும் நல்ல வசூல் வேட்டையும் நடத்தியது. தற்பொழுது லோகேஷ் கனகராஜ் இயக்கத்தில் உலகநாயகன் கமலஹாசன் நடித்து வரும் திரைப்படம் விக்ரம். இந்த திரைப்படம் தொடர்ந்து ஒரு வருடங்களுக்கு மேலாக படப்பிடிப்பு நடத்தப்பட்டு வருகிறது.
இருந்தாலும் இந்த திரைப்படத்தைப் பற்றிய புதுப்புது அப்டேட்கள் அடிக்கடி வெளிவந்த வண்ணமே உள்ளன. அதனால் ரசிகர்களின் எதிர்பார்ப்பை அதிகரிக்க செய்கிறது. விக்ரம் திரைப்படத்தில் கமல்ஹாசனுடன் இணைந்து பல பிரபலங்கள் பணியாற்றி வருகின்றனர். விஜய் சேதுபதி, பகத் பாசில், நரேன், காளிதாஸ் ஜெயராம், அர்ஜுன் தாஸ் போன்றவர்கள் முக்கிய வேடங்களில் நடித்து வருகின்றனர்.
இந்த திரைப்படத்தில் கமல்ஹாசனுக்கு வில்லனாக விஜய் சேதுபதி நடித்து வருகிறார். மேலும் விஜய் சேதுபதி கேங்கில் ஏழு டாப் நடிகர்கள் நடிக்க உள்ளார்களாம். இதுதவிர இந்த படத்தில் நடிகை ஆண்ட்ரியா, பிக்பாஸ் ஷிவானி நாராயணன், மைனா நந்தினி,விஜே மகேஸ்வரி மற்றும் ஸ்வதிஸ்டா கிருஷ்ணன் போன்ற நடிகைகளும் முக்கிய கதாபாத்திரத்தில் நடித்து வருகின்றனர்.
மேலும் லோகேஷ் கனகராஜ் இயக்கும் படங்களில் நடிகைகளுக்கு பெரிய கதாபாத்திரம் இல்லாதால் சின்ன சின்ன பாத்திரம் என்பதால் சின்னத்திரை நடிகைகளுக்கு வாய்ப்பு கொடுத்து வருகிறார்.