கடந்த இரண்டு நாட்களாக சோசியல் மீடியா முழுவதும் குக் வித் கோமாளி 5 நிகழ்ச்சியை பற்றிய பேச்சாகத்தான் இருக்கிறது. அந்த நிகழ்ச்சியில் தொகுப்பாளராக இருந்த மணிமேகலை தற்போது ஒரு வீடியோவை வெளியிட்டுள்ளார்.
அதில் அந்த நிகழ்ச்சியில் இனி ஒருபோதும் நான் பங்கேற்க மாட்டேன் விலகி விட்டேன். அதற்கு காரணம் அங்கு போட்டியாளராக இருந்த ஒரு பெண் தொகுப்பாளினி தான் என தெரிவித்திருந்தார்.
அவர் பிரியங்காவை தான் சொல்கிறார் என வெளிப்படையாகவே தெரிந்தது. அந்த நிகழ்ச்சியில் அவரின் ஆதிக்கம் அதிகமாக இருந்துள்ளது. இதை நேரடியாக மணிமேகலை சொல்லி இருக்கிறார். ஆனால் சேனல் தரப்பு மணிமேகலையை அவரிடம் மன்னிப்பு கேட்க சொல்லி இருக்கின்றனர்.
ஆனால் பணம் காசை விட எனக்கு தன்மானமும் சுயமரியாதையும் தான் முக்கியம் என அவர் நிகழ்ச்சியை விட்டு வெளியேறி இருக்கிறார். உண்மையில் பிரியங்கா அந்த நிகழ்ச்சியில் செய்யும் அடாவடித்தனம் கொஞ்சம் நஞ்சம் கிடையாது.
தான்தான் விஜய் டிவிக்கு ஓனர் என்பது போல் அவர் நடந்து கொள்வது பார்வையாளர்களை கடுப்பேற்றி வந்தது. அதில் மணிமேகலையின் இந்த வீடியோ அவருடைய ரசிகர்களை கொந்தளிக்க வைத்துள்ளது.
பிரியங்கா இதற்கு விளக்கம் கொடுக்க வேண்டும் மணிமேகலைக்கு நியாயம் கிடைக்க வேண்டும் என அனைவரும் பதிவிட்டு வருகின்றனர். ஆனால் விஜய் டிவி குக் வித் கோமாளி 5 நிகழ்ச்சியின் டைட்டில் வின்னராக பிரியங்காவை தேர்வு செய்து ஆடியன்ஸை எரிச்சலூட்டி இருக்கிறது.
இதை சோசியல் மீடியாவில் ஆதங்கத்துடன் வெளிப்படுத்தி வரும் ரசிகர்கள் இனி பிரியங்கா தொகுத்து வழங்கும் நிகழ்ச்சியை பார்க்க மாட்டோம் என கூறி வருகின்றனர். அதேபோல் மணிமேகலை வீர தமிழச்சி என அவரை கொண்டாடி வருகின்றனர்.