விஜய் டிவியின் டிஆர்பி கிங் நிகழ்ச்சியான பிக்பாஸ் ஆரம்பித்து ஒரு வாரம் முடிந்து விட்டது. ஆனாலும் வீட்டில் சில போட்டியாளர்கள் இன்னும் மிக்சர் சாப்பிட்டுக் கொண்டுதான் இருக்கின்றனர்.
ஒரு சிலர் கன்டென்ட் தருகிறேன் என்ற பெயரில் காட்டுகத்தாக கத்தி பார்வையாளர்களின் கோபத்தை சம்பாதித்து வருகின்றனர். அதிலும் பெண்கள் அணி எல்லை மீறி நடந்து கொள்வது விமர்சனமாக மாறி இருக்கிறது.
அதாவது கடந்த வாரம் போல இந்த வாரமும் இரு அணிகளிலிருந்து ஒருவர் மற்றொரு அணிக்கு மாற வேண்டும். அதன்படி ஆண்கள் அணியில் இருந்து தீபக் பெண்கள் அணியில் இருந்து தர்ஷா இருவரும் இடமாற்றம் செய்கின்றனர்.
இதில் பெண்கள் தீபக் வருவதை படுமோசமாக கலாய்த்துள்ளனர். இனிமேல் நீ தீபக் இல்லை தீபிகா என அவர்கள் கைதட்டி சிரித்து கிண்டல் அடித்தது நெட்டிசன்களை ஆத்திரமுற செய்துள்ளது.
ஏற்கனவே வார இறுதியில் விஜய் சேதுபதி ஆட்டிட்யூட் காட்டாதீர்கள் என ஜாக்குலின் தர்சா குப்தா ஆகியோரை எச்சரித்தார். அதையும் மீறி தற்போது பெண்கள் அணி ஆட்டம் போட்டுக் கொண்டிருக்கிறது அவர்களுக்கு தெரியவில்லை தீபக் எப்படிப்பட்ட ஆள் என்று.
சைடு கேப்பில் நோஸ்கட் செய்து விட்டு போய்விடுவார். இது தெரியாமல் சனியனை தூக்கி பனியனில் போட்ட கதையாக பெண்கள் அலப்பறை அதிகமாக இருக்கிறது. சைத்தான் சைக்கிளில் வருது என்பது கூட தெரியாமல் தீபக்கை அவர்கள் கலாய்த்து வருகின்றனர்.