நடிகர் விஜய் நடிப்பில் தற்பொழுது லியோ திரைப்படம் உருவாகி வரும் நிலையில் இந்த படத்தின் படப்பிடிப்பிற்காக பட குழுவினர்கள் காஷ்மீர் சென்றுள்ளனர். இந்த படத்தினை செவன் ஸ்கிரீன் ஸ்டுடியோ நிறுவனம் தயாரிக்க லோகேஷ் கனகராஜ் இயக்கத்தில் உருவாகி வருகிறது இந்த படம் குறித்த அதிகாரப்பூர்வமான தகவல்கள் அடுத்தடுத்து வெளியாகி வருகிறது.
அந்த வகையில் இந்த படத்தில் நீண்ட வருடங்களுக்குப் பிறகு விஜய்க்கு ஜோடியாக நடித்த திரிஷா நடிக்கிறார் இவர்களை அடுத்து பிரியா ஆனந்த், சஞ்சய் தத், மிஷ்கின், கௌதம் மேனன், அர்ஜுன், மன்சூர் அலிகான், மேத்யூ தாமஸ் உள்ளிட்ட ஏராளமான முக்கிய பிரபலங்கள் நடித்த வருகின்றனர். மேலும் குறிப்பாக நான்காவது முறையாக லியோ திரைப்படத்தில் அஜித்துடன் அனிருத் கைகோர்த்துள்ளார் என்பது ரசிகர்கள் மத்தியிலும் மிகுந்த மகிழ்ச்சி ஏற்படுத்தியுள்ளது.
மேலும் மனோஜ் பரதஹாம்சா ஒளிப்பதிவு செய்ய, படத்தொகுப்பை பிலோமின் ராஜும், கலை இயக்குனருராக N சதீஷ்குமார், நடன இயக்கத்தை தினேஷ் மாஸ்டர் ஆகியோர்கள் மேற்கொண்டு வருகின்றனர். இவ்வாறு மிகவும் பிரம்மாண்டமாக உருவாக இருக்கும் இந்த படத்திற்கு இயக்குனர் லோகேஷ் கனகராஜ், இயக்குனர் ரத்னா குமார், மற்றும் தீரஜ் வைத்தி ஆகியோர்கள் இணைந்து வசனம் எழுதியுள்ளனர்.
இந்த படத்தின் படப்பிடிப்பு ஜனவரி 2ஆம் தேதி துவங்கிய நிலையில் தற்போது இந்த படத்தின் படப்பிடிப்பு காஷ்மீரில் மிகவும் விறுவிறுப்பாக நடைபெற்று வருகிறது. இப்படிப்பட்ட நிலையில் இந்த படத்தில் அடுத்ததாக பிரபல நடிகை ஒருவர் இணைந்துள்ளது குறித்த தகவல் வெளியாகியுள்ளது. அதாவது பிக்பாஸ் நிகழ்ச்சியின் மூலம் பட்டித்தொட்டி எங்கும் பிரபலமானவர்தான் நடிகை அபிராமி இவர் லியோ திரைப்படத்தில் நடிப்பதற்காக ஒப்பந்தமாகியுள்ளார்.
சோசியல் மீடியாவில் மிகவும் ஆக்டிவாக இருந்து வரும் இவர் தற்பொழுது லோகேஷ் கனகராஜ் அவர்களுடன் எடுத்துக்கொண்ட புகைப்படத்தை தன்னுடைய இன்ஸ்டாகிராம் பக்கத்தில் பதிவு செய்துள்ளார். இவர் பிக்பாஸ் நிகழ்ச்சியின் மூலம் பிரபலமான நிலையில் இந்த நிகழ்ச்சிக்கு முன்பு அஜித்துடன் இணைந்து நேர்கொண்ட பார்வை திரைப்படத்தில் முக்கிய கதாபாத்திரத்தில் நடித்திருந்த நிலையில் தற்போது விஜய் திரைப்படத்தில் இணைந்துள்ளார்.