வானத்தைப்போல சீரியல் நடிகர் ராஜபாண்டி தனது காதலியின் புகைப்படத்தை முதன்முறையாக சோசியல் மீடியாவில் வெளியிட்டு இருக்கும் நிலையில் வைரலாகி வருகிறது. சன் டிவியில் ஒளிபரப்பாகி வரும் அனைத்து சீரியல்களுக்கும் ரசிகர்கள் மத்தியில் மிகப்பெரிய வரவேற்பு கிடைத்துவரும் நிலையில் சுவாரசியமான கதை அம்சத்துடன் ஒளிபரப்பாகி வரும் முக்கியமான சீரியல் தான் வானத்தைப்போல.
கடந்த 2020ஆம் ஆண்டு தொடங்கப்பட்ட இந்த சீரியல் தற்போது வரையிலும் ஒளிபரப்பாகி வருகிறது மேலும் அண்ணன் தங்கை பாச உறவினை அடிப்படையாக வைத்து ஒளிபரப்பாகி வரும் நிலையில் இந்த சீரியலில் முக்கிய கதாபாத்திரத்தில் நடித்து வருபவர் தான் நடிகர் அஸ்வின் கார்த்திக். இவர் இதற்கு முன்பு சரவணன் மீனாட்சி, அரண்மனைக் கிளி, றெக்க கட்டி பறக்குது மனசு, குலதெய்வம், பிரியமானவள் என ஏராளமான சீரியல்களில் நடித்துள்ளார்.
இவ்வாறு சீரியல்களை நடித்து பிரபலமான அஸ்வின் கார்த்தி திரைப்படங்களிலும் நடித்துள்ளார் அதோடு மட்டுமல்லாமல் தொகுப்பாளராகவும் பணியாற்றி வருகிறார் என்பது குறிப்பிடத்தக்கது. தற்பொழுது இவர் வானத்தைப்போல சீரியலில் ராஜபாண்டி என்ற கேரக்டரில் நடித்து வரும் நிலையில் இதன் மூலம் ரசிகர்கள் மத்தியில் இவருக்கு நல்ல வரவேற்பு கிடைத்து வருகிறது.
இந்த சீரியலில் ஆரம்பத்தில் நெகட்டிவ் கதாபாத்திரத்தில் நடித்து வந்த இவர் துளசியை திருமணம் செய்துக் கொண்ட பிறகு பாசிட்டிவ் கதாபாத்திரமாக அமைந்திருக்கிறது. சமீபத்தில் இவருக்கு சன் குடும்ப விருது விழாவில் ராஜபாண்டி சிறப்பு நாயகன் என்ற அவார்ட் கிடைத்தது இந்நிலையில் நடிகர் அஸ்வின் கார்த்தி அவர்கள் தன்னுடைய காதலியை விருது விழாவில் அனைவருக்கும் அறிமுகப்படுத்தியிருந்தார்.
அந்த வகையில் தற்பொழுது அஸ்வின் கார்த்தி தனது காதலியுடன் போட்டோ ஷூட் நடத்தி இருக்கும் நிலையில் அதனை சோசியல் மீடியாவில் பகிர்ந்து உள்ளார் எனவே தற்போது இந்த ஜோடியின் புகைப்படம் சோசியல் மீடியாவில் வைரலாக ஜோடி பொருத்தம் அருமையாக இருப்பதாக ரசிகர்கள் கமெண்ட் செய்து வருகிறார்கள்.