தமிழ் சின்னச்திரையில் பிரபல ஜோடிகளாக வளம் வந்து கொண்டிருக்கும் ஆலியா மானசா-சஞ்சீவ் தற்பொழுது தங்களுடைய மகள் ஐலாவையும் பிரபல சீரியலில் நடிக்க வைத்துள்ள நிலையில் அந்த வீடியோவை சோசியல் மீடியாவில் வைரலாகி வருகிறது. விஜய் டிவியில் ஒளிபரப்பாகி வந்த ராஜா ராணி சீரியலின் மூலம் சின்னத்திரைக்கு அறிமுகமானவர்கள் தான் சஞ்சீவ் மற்றும் ஆலியா மானசா.
இந்த சீரியலில் நடித்துக் கொண்டிருக்கும் பொழுது இவர்களுக்கு இடையே காதல் ஏற்பட்டு பிறகு திருமணம் செய்து கொண்டனர். மேலும் இவர்களுக்கு ஒரு அழகான பெண் குழந்தையும் பிறந்துள்ளது. சஞ்சீவ் சன் டிவியில் ஒளிபரப்பாகி வரும் கயல் சீரியலில் நடிக்க தொடங்கினார் பிறகு சில நாட்கள் கழித்து ஆலியா மானசா ராஜா ராணி 2 சீரியலில் நடித்து வந்த நிலையில் அவர் இரண்டாவது முறையாக கர்ப்பம் ஆனதால் மீண்டும் சீரியலில் இருந்து விலகினார்.
இந்நிலையில் சமீபத்தில் இவர்களுக்கு ஆண் குழந்தை பிறந்தது எனவே சிறிய இடைவெளிக்கு எடுத்துக் கொண்ட ஆலியா மானசா தற்பொழுது மீண்டும் சன் டிவியில் மிகவும் வெற்றிகரமாக ஒளிபரப்பாகி வரும் இனியா சீரியலில் நடித்து வருகிறார். இவ்வாறு தொடர்ந்து ஆலியா மானசா-சன்சீவ் சீரியல்களில் நடித்து மிகவும் பிசியாக இருந்து வந்தாலும் கூட சொந்தமாக யூடியூப் சேனல் ஒன்றை ஆரம்பித்து அதில் தொடர்ந்து தங்களுடைய அன்றாட வாழ்வில் நடக்கும் பல வீடியோக்களை பதிவிட்டு வருகிறார்கள்.
அந்த வகையில் யூடியூப்பில் வீடியோ வெளியிட்டு தங்களுடைய மகள் ஐலாவையும் பிரபலமடைய வைத்துள்ளனர். இதன் மூலம் ஆலியா மானசா-சஞ்சீவிகளை விட ஐலா பாப்பாவிற்கு ஏராளமான ரசிகர்கள் இருந்து வருகின்றனர். மேலும் சமீபத்தில் கூட இவர்கள் ஐலாவின் மூன்றாவது பிறந்த நாளை மிகவும் சிறப்பாக கொண்டாடி இருந்தார்கள்.
அந்த வீடியோவும் மீடியாவில் வைரலான நிலையில் தற்பொழுது சஞ்சீவ் நடிப்பில் சன் டிவியில் ஒளிபரப்பாகும் கயல் என்ற சீரியலில் ஒரு காட்சியில் ஐலா நடித்து வருகிறார். இவ்வாறு முதன் முறையாக அவர் நடித்திருக்கும் நிலையில் அந்த காட்சியின் வீடியோ சோசியல் மீடியாவில் வைரலாகி வருகிறது இதனை பார்த்து ரசிகர்கள் பாராட்டி வருகின்றனர்.