அஜித் மற்றும் விஜய் படத்திற்காக மோதிக்கொண்டாலும் நிஜவாழ்க்கையில் தாங்கள் ஒரு நண்பர்கள்தான் என்பதை அடிக்கடி நிரூபித்து வருகிறார்கள் அந்த வகையில் பலமுறை இருவரும் இணைந்து எடுத்துக்கொண்ட புகைப்படம் இணையத்தில் வைரலாகி வருகிறது.
இதனை தொடர்ந்து நடிகர் அஜித் அவர்கள் தற்போது துணிவு திரைப்படத்தில் நடித்து முடித்துள்ளார் இந்த திரைப்படம் பொங்கல் தினத்தை முன்னிட்டு ஜனவரி 11ஆம் தேதி வெளியாக இருக்கிறது என்பது நாம் அனைவரும் தெரிந்த ஒன்று. இத்துடன் வாரிசு திரைப்படமும் துணிவு திரைப்படம் ஒரே தினத்தில் வெளியாக இருப்பதால் இரண்டு தரப்பு ரசிகர்களும் உற்சாகத்தில் இருக்கிறார்கள்.
அதுமட்டுமில்லாமல் சோசியல் மீடியாக்களில் இரண்டு தரப்பு ரசிகர்களும் போஸ்டர் ஒட்டி கட்டவுட் அடித்து அலப்பறை செய்து வருகிறார்கள். இப்படி இருக்கையில் நடிகர் அஜித் மற்றும் விஜய் இருவருமே இணைந்து நடித்த படம் தான் ராஜாவின் பார்வையிலே. இந்தப் படம் அப்போது பெரிய அளவில் பேசப்படவில்லை என்றாலும் தற்போது ராஜாவின் பார்வையிலே படத்தில் நடித்தது போல் அஜித், விஜய் மீண்டும் எப்போது இணைவார்கள் என்று எதிர்பார்த்து காத்திருக்கிறார்கள்.
இதனை அடுத்து வருகின்ற பொங்கல் தினத்தை முன்னிட்டு ஜனவரி 11-ம் தேதி வெளியாக உள்ள வாரிசு மற்றும் துணிவு திரைப்படத்திற்கு முன்பு ராஜாவின் பார்வையிலே திரைப்படம் ரீ ரிலீஸ் ஆக இருப்பதாக தகவல் வெளியாகி இருக்கிறது. இதனை தொடர்ந்து இந்த படத்தில் இருந்து மேலும் ஒரு தகவல் வெளியாகி உள்ளது அதாவது நடிகர் விஜய் கதாநாயகனாக நடித்துள்ள ராஜாவின் பார்வையிலே திரைப்படத்தில் நடித்ததற்கு விஜய் அவர்கள் மூன்று லட்சம் சம்பளமாக பெற்றுள்ளதாக கூறப்படுகிறது.
ஆனால் நடிகர் விஜய்க்காக அஜித் அவர்கள் இந்த படத்தில் நடித்ததற்கு ஒரு ரூபாய் கூட சம்பளம் பெறவில்லை என்று கூறப்படுகிறது. அதாவது இருவருமே எலியும் பூனையுமாக இருந்து வந்த நிலையில் முதன் முறையாக இருவரும் இணைந்து நடித்த படம் தான் ராஜாவின் பார்வையிலே. இந்த படத்தில் சிறிய கதாபாத்திரத்தில் நடித்த அஜித் அவர்கள் விஜய்க்காக இந்த படத்தில் நடித்ததற்கு ஒரு ரூபாய் கூட சம்பளம் வாங்காமல் நடித்துள்ளார் நடிகர் அஜித். இந்த தகவல் தற்போது வெளியாகி அனைவரையும் நெகிழ்ச்சியில் ஆழ்த்தியுள்ளது.