சினிமாவில் உள்ள பிரபலங்கள் ஏதேனும் ஒரு பட்டப்படிப்பை படித்துவிட்டு என்ன செய்வதென்று தெரியாமல் சினிமாவில் உலா வந்து கொண்டிருக்கிறார்கள். ஆனால் எந்த ஒரு பட்டப்படிப்பும் இல்லாமல் சினிமாவை திரும்பி பார்க்க வைத்த கோடியின் சம்பளம் வாங்கும் நடிகர்களை பற்றி தான் தற்போது நாம் பார்க்க இருக்கிறோம்.
விஜய்:- தமிழ் சினிமாவில் உச்ச நட்சத்திரமாக விளங்குபவர் நடிகர் விஜய் இவர் தமிழில் தனக்கென ஒரு மிகப்பெரிய ரசிகர் பட்டாளத்தை உருவாக்கியுள்ளார் என்று தான் சொல்ல வேண்டும். அந்த அளவிற்கு ரசிகர்களுக்காக கதைகளை தேர்ந்தெடுத்து நடித்து வருகிறார். இவர் சினிமாவில் மற்ற நடிகர்களை விட கோடியில் சம்பளம் வாங்கும் நடிகராக வலம் வந்து கொண்டிருக்கிறார். பிளஸ் டூ முடித்துவிட்டு பட்டப்படிப்பையும் பாதியில் நிறுத்திவிட்டு சினிமாவில் நடிக்க ஆரம்பித்தார்.
அஜித்:- நடிப்பு திறமை மட்டுமல்லாமல் பல திறமைகளை கையில் வைத்து தன் திறமை ஒவ்வொன்றையும் வெளிகாட்டி வருகிறார் நடிகர் அஜித். அந்த வகையில் சமீபத்தில் திருச்சியில் நடந்த துப்பாக்கி சுடுதல் போட்டியிலும் பங்கேற்று உள்ளார். இவரும் சினிமாவில் உள்ள மற்ற நடிகர்களை விட கோடியில் சம்பளம் வாங்கும் நடிகராக வலம் வந்து கொண்டிருக்கிறார். இவர் பள்ளிப்படிப்பை பாதியில் நிறுத்திவிட்டார்.
பிரபுதேவா :- சினிமாவில் நடிகர் நடன ஆசிரியர் இயக்குனர் என பன்முகத்தன்மை கொண்டு விளங்கி வருகிறார் நடிகர் பிரபுதேவா. இவரும் ஒரு காலகட்டத்தில் சினிமாவில் கொடிகட்டி பறந்த நடிகர்களில் ஒருவராக திகழ்ந்தார். இவர் பள்ளி படிப்பை பாதியில் நிறுத்திவிட்டு சினிமாவில் நடிக்க ஆரம்பித்தார்.
ராகவா லாரன்ஸ்:- நடிகர் நடன ஆசிரியர் என இரண்டிலும் கலக்கக்கூடிய ஒரு நடிகர் என்றால் அது ராகவா லாரன்ஸ்தான். இவர் தற்போது சந்திரமுகி 2 திரைப்படத்தில் நடித்து வருகிறார். மேலும் இவர் பள்ளி பக்கமே எட்டிப் பார்க்கவில்லை என்பது குறிப்பிடத்தக்கது.
ரஜினிகாந்த்:- தமிழ் சினிமாவில் முன்னணி நடிகர்களில் ஒருவராக தேர்ந்த வருகிறார் நடிகர் ரஜினிகாந்த். இவர் ஆரம்பத்தில் பேருந்து நடத்துனராக இருந்து வந்துள்ளார் சினிமாவில் மேல் உள்ள ஆசையால் சினிமாவில் நுழைந்து தற்போது கோடிக்கணக்கில் சம்பளம் வாங்கும் நடிகராக வலம் வந்து கொண்டிருக்கிறார். இவரும் பள்ளி படிப்பை முடிக்கவில்லை.
பிரபு:- 90ஸ் காலகட்டத்தில் தமிழ் சினிமாவில் உச்ச நட்சத்திரமாக விளங்கியவர் நடிகர் பிரபு. இவரை பல ஊர்களில் உள்ள பள்ளியில் அவருடைய தந்தை சேர்த்துள்ளார் ஆனால் இவருக்கு படிப்பு வராத ஒரே காரணத்தால் சினிமாவில் நுழைந்ததாக கூறப்படுகிறது.
ஜீவி பிரகாஷ் இசையிலும் நடிப்பிலும் கலக்கினாலும் படிப்பை முடிக்கவில்லை.