எந்த ஒரு தொழிலை எடுத்துக்கொண்டாலும் போட்டி இருப்பது அனைவருக்கும் தெரிந்த ஒன்றுதான் அப்படித்தான் சினிமா துறையிலும் போட்டி இருந்து கொண்டிருக்கிறது. சினிமா ஆரம்பித்த காலத்தில் இருந்து இன்று வரை போட்டி நிலவி கொண்டு தான் இருக்கிறது. தமிழ் சினிமாவில் இரண்டு உச்ச நட்சத்திரங்களாக விளங்கி வருபவர் அஜித் மற்றும் விஜய்.
இவர்களின் திரைப்படம் திரைக்கு வருகிறது என்றால் திரையரங்கமே திருவிழா போல் காட்சி அளிக்கும் அந்த அளவு பாலாபிஷேகம் பேனர் வெடி என அமர்க்களப்படுத்தி விடுவார்கள் ரசிகர்கள். அதேபோல் ஒவ்வொரு நடிகரின் ரசிகரும் உங்களுக்கு நான் சலித்தவர் கிடையாது என நிரூபிக்கும் வகையில் புதிது புதிதாக எதையாவது செய்து கொண்டே இருக்கிறார்கள்.
சமீப காலமாக அஜித் மற்றும் விஜய் இருவரும் தங்களுடைய படங்களில் மிகவும் பிசியாக நடித்து வந்தார்கள் அந்த வகையில் அஜித் துணிவு திரைப்படத்திலும் விஜய் வாரிசு திரைப்படத்திலும் நடித்துள்ளார் துணிவு திரைப்படத்தை வினோத் அவர்கள் இயக்கியுள்ளார் அதேபோல் வாரிசு திரைப்படத்தை வம்சி இயக்கியுள்ளார். இந்த இரண்டு திரைப்படத்தின் மீதான எதிர்பார்ப்பு ரசிகர்களிடைய பல மடங்காக அதிகரித்துள்ளது.
இந்த நிலையில் வாரிசு திரைப்படம் ஏற்கனவே பொங்கல் தினத்தில் வெளியாகும் என அறிவிக்கப்பட்டுள்ளது அதேபோல் தற்பொழுது துணிவு திரைப்படம் திடீரென பொங்கலில் வெளியாக இருப்பதாக தகவல் கிடைத்துள்ளது. இந்த நிலையில் சினிமாவில் முக்கிய பிரபலமாக இருக்கும் திருப்பூர் சுப்ரமணியம் இது குறித்து பேசி உள்ளார். அதாவது வாரிசு மற்றும் துணிவு இரண்டு திரைப்படங்களும் பொங்கலுக்கு வெளியாகிறது என்பது உறுதியான தகவல் தான்.
இதில் அஜித் நடிப்பில் உருவாகியுள்ள துணிவு திரைப்படம் ஜனவரி 12ஆம் தேதியும் விஜய் நடிப்பில் உருவாக்கிய வாரிசு திரைப்படம் ஜனவரி 13ஆம் தேதி வெளியாக இருக்கிறது இந்த இரண்டு திரைப்படங்களும் மிகப்பெரிய திரைப்படங்கள் என்பதால் இரண்டிற்கும் சமமான திரையரங்குகள் கண்டிப்பாக கிடைக்கும் எனவும் அவர் கூறியுள்ளார். இந்த பொங்கலுக்கு அஜித் மற்றும் விஜய் ரசிகர்களுக்கு மிகப்பெரிய விருந்தாக இந்த இரண்டு திரைப்படங்களும் அமையும் என எதிர்பார்க்கப்படுகிறது.
