தமிழ் சினிமாவில் தவிர்க்க முடியாத ஒரு ஹீரோவாக இருப்பவர் நடிகர் அஜித்குமார் இவர் அண்மை காலமாக ஆக்சன் மற்றும் சமூக அக்கறை உள்ள படங்களை கொடுத்து அசத்துவருகிறார் அந்த படங்களும் வெற்றியை பெறுகின்றன இப்பொழுது கூட தனது 61வது திரைப்படமான துணிவு திரைப்படத்தில் விறுவிறுப்பாக நடித்து வருகிறார்.
இந்த படத்தின் இறுதிக்கட்ட சூட்டிங் விறுவிறுப்பாக நடைபெற்று வருகிறது இதை வெற்றிகரமாக முடித்துவிட்டு அஜித் அடுத்தடுத்த சிறந்த இயக்குனர்களுடன் கைகோர்த்து நடிக்க இருக்கிறார் இப்படி இருக்கின்ற நிலையில் அஜித் பற்றிய செய்தி ஒன்று இணையதள பக்கத்தில் வைரலாகி வருகிறது. சினிமா ஆரம்பத்தில் பட வாய்ப்பு கைப்பற்ற பல சினிமா கம்பெனிக்கு..
நேரில் சென்று வாய்ப்பு தேட வேண்டிய சூழ்நிலை இருந்தது அந்த சமயங்களில் ஒன்று இரண்டே விளம்பர படங்களிலும் நடிக்க வாய்ப்பு கிடைத்தது அப்படியே நடித்துக் கொண்டிருக்கும் போது ஒரு விளம்பர படத்தில் மணிரத்தினத்தின் நெருங்கிய நண்பரும், ஒளிப்பதிவாளருமான பி. சி ஸ்ரீராம் அஜித்தின் நடிப்பை பார்த்து மிரண்டு போய்விட்டாராம் பிறகு மணிரத்தினத்திடம் சிபாரிசு செய்து இருக்கிறார்.
ஒரு நாள் அஜித்திற்கு மணிரத்தினத்தின் அலுவலகத்திலிருந்து அழைப்பு வந்திருக்கிறது அந்த அழைப்பை ஏற்று நேரில் அஜித் சென்று இருக்கிறார்.
அவரின் அலுவலகத்திற்கு சென்ற பொழுது ஆட்டிஷனுக்கு நிறைய பேர் வந்திருக்கிறார்கள். நம்பிக்கையோடு நடிகர் அஜித்தும் முயற்சி செய்து தேர்வு செய்யப்பட்டிருக்கிறார்.
மணிரத்தினம் படத்தில் நடிக்க போவதை நினைத்து சந்தோஷப்பட்ட அவர் தனது நெருங்கிய நண்பர்களிடம் நான் மணிரத்தினம் சார் படத்தில் நடிக்க போகிறேன் என பெருமையாக சொல்லிக் கொண்டு இருந்தார் ஆனால் சில காரணங்களால் அந்த படம் கைவிடப்பட்டது. இது நடிகர் அஜித்திற்கு அப்பொழுது பெரும் ஏமாற்றத்தை கொடுத்ததாம்.