நேர்கொண்ட பார்வை திரைப்படத்திற்கு பிறகு இரண்டு வருடங்கள் கழித்து அஜித் நடிப்பில் வெளிவரவுள்ள திரைப்படம் வலிமை இதனால் இந்த படத்திற்கான எதிர்பார்ப்பு ரசிகர்கள் மத்தியில் அதிகரித்துள்ளது. வலிமை திரைப்படத்தை சிறந்த இயக்குனர் ஹச். வினோத் இயக்கியுள்ளார் பிரமாண்ட பொருட்செலவில் போனிகபூர் தயாரித்துள்ளார்.
மேலும் இந்த திரைப்படத்தில் அஜித் குமாருடன் உடன் கை கோர்த்தது ஹுமா குரேஷி, கார்த்திகேயா, யோகி பாபு, புகழ் மற்றும் டாப் நடிகர் நடிகைகள் பலர் நடித்து அசத்தியுள்ளனர் வலிமை திரைப்படம் ஒரு வழியாக வருகின்ற பிப்ரவரி 24ஆம் தேதி உலக அளவில் வெளியாக இருக்கிறது.
வெளிநாடுகளில் முன்பதிவு டிக்கெட் விற்பனையும் கோலாகலமாக தொடங்கியுள்ளது. அதிலும் மதுரையில் வலிமை திரைப்படம் அனைத்து திரையறைங்கிலும் வெளியாக இருப்பதால் முதல் நாளை திருவிழாவாகக் கொண்டாட திட்டமிட்டுள்ளனர். சமீபத்தில் வெளிவந்த திரை படங்கள் பெரிய அளவில் மக்கள் கவனத்தை ஈர்க்கவில்லை பெரும் வசூல் வேட்டையும் நடத்தவில்லை.
இந்த நிலையில் வலிமை மிகப்பெரிய ஒரு வசூல் வேட்டை நடத்தும் என திரையரங்க உரிமையாளர்களும், விநியோகஸ்தர்களும் எதிர்நோக்கியுள்ளனர் மேலும் வலிமை திரைப்படத்தை தமிழகத்தில் பெரும்பாலான திரையரங்குகளில் வெளியாக இருக்கிறது. இப்படி இருக்கின்ற நிலையில் தமிழகத்தில் மட்டும் அஜித்தின் வலிமை திரைப்படம் சுமார் 1000 திரையரங்குகளில் வெளியாக இருக்கிறதாம்.
இதுவரை எந்த ஒரு பெரிய நடிகர்களும் நிகழ்த்தாத சாதனை அஜித்தின் வலிமை திரைப்படம் முதல் தடவையாக செய்து இருக்கிறதாம் இதுவே ஒரு மிகப்பெரிய சாதனையாகும் வெற்றியாகவும் வலிமை படக்குழு பார்க்கிறது.