தமிழ் சினிமாவில் அதிக ஆண் ரசிகர்களை வைத்திருப்பவர் அஜித் குமார். இவர் ரசிகர்களை கவரும்படியான பல ஹிட் படங்களை கொடுத்து முக்கிய நடிகர் ஆக வலம் வருகிறார். தற்போது அஜித் குமார் துணிவு படத்தில் நடித்து முடித்துள்ளார் இந்த படத்தை அஜித்தின் நேர்கொண்ட பார்வை, வலிமை..
ஆகிய படங்களை இயக்கிய ஹச். வினோத் இயக்கியுள்ளார் மற்றும் பாலிவுட் தயாரிப்பாளர் போனி கபூர் மிகப்பெரிய பொருள் செலவில் தயாரித்துள்ளார். இந்த படம் அடுத்த ஆண்டு பொங்கலை முன்னிட்டு கோலாகலமாக ரிலீசாக உள்ள நிலையில் படத்தின் பாடல்கள் ஒவ்வொன்றாக வெளிவந்த வண்ணம் இருக்கின்றன.
முதலில் துணிவு படத்தில் அனிருத் குரலில் சில்லா சில்லா பாடல் வெளியாகி வைரலாகியது அதை தொடர்ந்து இரண்டாவதாக காசேதான் கடவுளடா பாடலும் வெளியாகி இணையதளத்தை கலக்கி வருகிறது. மேலும் படத்தைக் காண ரசிகர்கள் ஆவலுடன் எதிர்பார்த்து காத்து கிடக்கின்றனர். அஜித் நெகட்டிவ் ரோலில் நடித்துள்ள துணிவு படம்..
ஒரு பேங்க் கொள்ளையை மையமாக வைத்து உருவாகி உள்ளது இந்த படத்தில் ஆக்ஷன் காட்சிகள் அதிகம் இடம் பெற்றுள்ளன. அஜித் நெகட்டிவ் ரோலில் நடித்த மங்காத்தா படம் எப்படி ஹிட் அடித்ததோ அதேபோல துணிவும் ஹிட் அடிக்கும் என எதிர்பார்க்கப்படுகிறது. இந்த நிலையில் தயாரிப்பாளர் வெடிமுத்து அஜித் பற்றி பேசியுள்ளார்.
அவர் பேசியது, “என்னை தாலாட்ட வருவாளா படத்தில் அஜித்தை நான் விதவிதமாக நடிக்க சொன்னேன் ஆனால் அவர் அப்படி நடிக்கவில்லை, பிறகு நான் எப்படி நடிக்க வேண்டும் என்று நடித்துக் காட்டினேன். இப்படிப்பட்ட அஜித்துக்கு சம்பளம் மட்டும் 100 கோடி என பேசி உள்ளார் இவர் பேசிய இந்த வீடியோ தற்போது இணையதளத்தில் வைரல் ஆகி வருகிறது.