தமிழ், தெலுங்கு ஆகிய மொழிகளில் முன்னணி நடிகையாக வலம் வரும் சமந்தா தமிழ் சினிமாவில் அதிக சம்பளம் வாங்கும் நடிகைகளிலும் முக்கிய ஒருவராக பார்க்கப்பட்டு வருகிறார். தமிழில் இயக்குனர் விக்னேஷ் சிவன் இயக்கத்தில் சமந்தா, நயன்தாரா, விஜய் சேதுபதி நடிப்பில் வெளிவந்த காத்துவாக்குல ரெண்டு காதல் திரைப்படம்.
சமீபத்தில் வெளியாகி மக்கள் மத்தியில் நல்ல விமர்சனங்களை பெற்று கோலாகலமாக ஒளிபரப்பாகி வருகிறது. இந்த படத்தின் மூலம் அதிக இளம் ரசிகர்கள் மத்தியில் கனவுக்கன்னியாக சமந்தா வலம் வருகிறார் என்பது குறிப்பிடத்தக்கது. இந்த படத்தை தொடர்ந்து தெலுங்கில் சகுந்தலம், யசோதா போன்ற இரண்டு படங்களில் முன்னணி கதாபாத்திரத்தில் சமந்தா நடித்து வருகிறார்.
இந்தநிலையில் அல்லு அர்ஜுன், ராஷ்மிகா மந்தனா நடிப்பில் வெளிவந்த புஷ்பா திரைப்படம் உலகளவில் நல்ல வசூல் வேட்டை நடத்தியது இந்த படத்தில் ஒரு பாடலுக்கு சமந்தா குட்டையான ட்ரஸை போட்டுக்கொண்டு நடனம் ஆடி இருந்தார். இந்த படத்தின் வெற்றிக்கு சமந்தாவின் நடனம் உறுதுணையாக இருந்த காரணத்தினால் இந்த ஒரு பாடலுக்கு மட்டும் அவர் பல கோடிகளை சம்பளமாக வாங்கியுள்ளாராம்.
இந்த பாடலை தொடர்ந்து அவர் அடுத்து நடிக்க கமிட்டான படங்கள் அனைத்திற்கும் தனது சம்பளத்தை அதிக அளவு உயர்த்தி உள்ளார் என்பது குறிப்பிடத்தக்கது. இந்நிலையில் சமந்தா மற்றும் விஜய் தேவர்கொண்டா நடித்து வரும் படத்திற்கு தமிழில் தளபதி விஜய் நடிப்பில் வெளிவந்து ஹிட்டான படங்களில் ஒன்றான குஷி படத்தின் டைட்டிலை இந்த படத்திற்கு வைக்க உள்ளதாக தகவல் வெளியாகியுள்ளன.
தமிழில் வெளிவந்த குஷி படம் தெலுங்கிலும் ரீமேக் செய்யப்பட்டு வெளியானது. அதே படத்தின் டைட்டிலை தான் தற்போது சமந்தா விஜய் தேவர்கொண்டா நடித்து வரும் படத்திற்கு பெயர் வைப்பதாக படக்குழு முடிவு எடுத்துள்ளது. இருந்தாலும் இதுகுறித்து அதிகாரப்பூர்வ தகவல் வெளிவரவில்லை. வருகின்ற மே 9-ஆம் தேதி இந்த படத்தின் ஃபர்ஸ்ட் லுக் போஸ்டர் மற்றும் டைட்டில் வெளிவரும் என அறிவிக்கப்பட்டு இருக்கிறது என்பது குறிப்பிடத்தக்கது.